建制派急割席 向梁發炮 丟梁政綱
1 :
GS(14)@2016-07-15 05:06:35■郭偉強不滿梁振英未能解決標時等問題，將梁的政綱（箭嘴示）丟在地上。
【本報訊】立法會改選前的答問大會，建制派急急與特首梁振英劃清界線。盛傳參選港島的工聯會郭偉強不滿梁「hea答」，離場抗議；擬在九東爭取連任的謝偉俊則力數梁振英有關廉署人事調動之說非事實。被建制派視為選舉包袱的梁振英則主動提到，有關建制派選舉失利對他連任不利又或對他連任大有幫助的兩種說法，都有道理，但未有說明原因。擬循勞工界轉戰直選的郭偉強，會上手持梁振英的競選政綱，斥梁振英4年前答應工聯會將標準工時和逐步取消強積金對沖寫入政綱，但至今「標時傾緊，退保講緊，強積金對沖問緊，全部都係得把口，我哋打工仔最關心議題全部都係冇答案、未解決」，並質疑：「係商界太霸道，定你（梁）腳頭唔好，唔利打工仔？定呢份政綱你已拋諸腦後？」說畢就將梁的政綱丟在地上。
郭偉強離場抗議
梁振英回應時表示，標時、對沖及退保是「老大難問題」，但是他不怕難，最重要在立法會形成共識，「我都好想今日有魔術按鈕，我哋㩒落去就做成件事」。郭聽罷即指梁「hea答」：「主席，唔好嘥時間、畀其他同事問題」，繼而離場抗議，其間有泛民議員高喊：「郭偉強好嘢！」有「西環契仔」外號的謝偉俊同樣向梁發炮，指梁席間回應有關廉署人事調動之說非事實，不滿梁以不能評論廉署情況為由未作回應，篤爆梁：「行政長官多次強調喺立法會要講事實，而事實上行政長官唔能夠干預廉政公署任命，呢個並非事實」，他又斥道：「點解特首一次又一次唔能夠真真正正面對事實，向本會、向大眾講出真實答案？」最後更稱「唔想同特首鬥嘴」，將餘下約一分鐘發言時間交給梁：「你鍾意講乜就講乜」。唐營林大輝告別議會前一邊稱不想將梁振英視為「票房毒藥」，一邊稱若支持梁連任或流失選票，反對卻會犯天條：「我希望你可以為建制派候選人指點迷津，究竟（被）問到支唔支持特首連任，應該點答？」他並指，建制派與特首的關係唇亡齒寒，「建制派對將來特首施政非常重要，如果呢個時候你賴低佢，其實將來好難合作」，但梁對此未有正面回應。■記者姚國雄
來源:
http://hk.apple.nextmedia.com/news/art/20160715/19695783