娛樂專題：為愛而生樂迷迎接五月天
1 :
GS(14)@2016-05-21 18:29:46■五月天去年因沒有檔期，「五月之約」斷纜，今晚五月天終於再在紅館與港迷見面。資料圖片
「最美的願望 一定最瘋狂」台灣天團五月天每年5月唱爆紅館，香港五迷堅守第十年的「五月之約」，19歲學生妹小喬為買飛捱麵包；死忠粉絲阿卞帶法寶瞓街一星期；早期擁躉烏龍茶有幸跟阿信傾電話；最甜蜜的是阿珊和Jason因五月天共諧連理，今晚五月天再臨紅館開騷，突然好想五月天！撰文：皓騫、譚倩宜攝影：陳順禎、仇志德
■阿珊和Jason在五月天演唱會認識，求婚到婚禮都用上五月天的歌。
夫婦五月天當月老
阿珊和Jason五年前在台灣睇五月天騷認識，之後五月天來港開演唱會，阿珊和友人在紅館外搞音樂會，Jason捧場時再遇上，藉機跟阿珊學結他，開始了愛的故事。拍拖兩年半，Jason密謀求婚，找朋友將五月天的《讓我照顧你》和《最重要的小事》串成一首歌，在草地跪下唱給女友聽，成功娶得美人歸。阿珊說：「好感動！佢揀兩首歌完全touch到我心裏夢想，人生搵到一個人，鍾意同一樣嘢直到老，覺得好適合喺埋一齊。」Jason說：「無論困難、順境一齊經過，歌詞係咁講。」兩人連婚禮都用五月天歌曲，希望多些人認識他們的音樂。五月天撮合兩人緣份，阿珊以前的男友都不鍾意五月天，Jason亦說：「我以前啲女朋友都唔鍾意，佢哋捨命陪君子感覺，但唔會同你一齊去顛。」Jason為氹阿珊開心，早兩年更瞓街買飛：「佢5月生日，大家都知好難買飛，我同朋友通宵瞓街，搶到第二行飛，呢個係我為佢做最瘋狂事。」阿珊曾在機場見過阿信，她說：「好緊張，鼓起勇氣問佢攞簽名，之後佢同我握手。」
來源:
http://hk.apple.nextmedia.com/entertainment/art/20160520/19619499