【書店結業】綠野仙蹤五折清貨 店主：簡體字殃及池魚！
1 :
GS(14)@2017-06-22 08:03:56綠野仙蹤書店星期日於facebook專頁宣佈，即日起開始結業清貨。
曾幾何時，香港樓上書店百花齊放，單是西洋菜南街已不下十間，但近年閱讀風氣漸改，樓上書店執完一間又一間，不只深奧書籍沒人看，偏向主打年青市場的「綠野仙蹤」書店，亦宣佈將於8月結業。
《寫真的思考》、《暢銷的故事，熱門的角色》
綠野仙蹤書店星期日於facebook專頁宣佈，即日起開始結業清貨，全店七折，如買滿$400可獲五折優惠，到8月開始，賣剩的書籍更將以低於三折發售。綠野仙蹤售賣各式小說、實用參考書籍及雜誌，雖以賣簡體字書籍為主，但當中漫畫技法書籍、各式科學雜誌、遊戲雜誌等，填補了大型書店的選書缺口，一度大受歡迎。店主Sunny指近年書店一直虧蝕，「已經捱咗幾年，租金上升固然係壓力，社會風氣亦唔同咗好多，對於紙本書籍，大家嘅需要少咗很多，睇住呢兩三年樓上書店已經倒閉咗五、六間，而我哋賣簡體字書亦有影響，社會開始唔鍾意簡體字。」書店開業13年，對於結業Sunny亦只能接受，「之後會轉行，放棄樓上店，轉戰商場店舖賣桌上遊戲、模型精品之類，熟客有需要，我哋可以繼續幫忙訂書訂雜誌，但唔會再繼續專注書店呢行，始終已經不似以前咁，有咁多人睇書。」
綠野仙蹤書店旺角西洋菜街68號2/F記者：李珮禎2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170620/20061570