為梁造勢「看聽講」大打折扣
1 :
GS(14)@2016-05-21 17:54:33【拆局】張德江結束3日訪港行程，不少政界中人均指，張此行與泛民見面，在本土、法治、一國兩制等問題表述立場，亦顯示吸納了不少中間派意見，理應可爭取社會更多好感，但其保安工作太嚴密引致擾民；再加上訪問行程令人覺得他似為挺特首梁振英連任造勢，令此行「看、聽、講」的目標及成果大打折扣。有多名泛民及中間派人士表示，張德江此行為本土、法治、一國兩制等問題表述立場，其實吸納了不少中間派、甚至泛民的意見，「好似將本土同港獨區分、強調法律面前人人平等，明顯針對特首『超然論』而來；他強調一國兩制是國策不會改變，都係回應泛民嘅要求」，再加上張願意與泛民見面，「相信都係中央最高層要求佢（張德江）咁做，目的係緩和香港氣氛」。
只參觀梁硬銷政績
可惜張此行令外界覺得，他似利用所有機會為挺特首梁振英連任造勢。有立法會議員稱，張此行主要講一帶一路及香港經濟，又多次提及金融業重要性，但他參觀的全是梁振英向中央硬銷的個人政績，「張德江唔係去睇金融業務、反而睇晒CY一直硬銷嘅政策，特別係創新科技，更令人覺得佢其實想挺梁連任，冇聽港民意」。有議員更加指出，中央安排泛民出席酒會，「要梁振英企喺張德江後面，全程聽同埋受批評」，就是要張德江聽取不同的意見，但是現在卻變成「只有張德江講，冇咗看、聽，成個訪問成果大打折扣」。■記者莫劍弦
來源:
http://hk.apple.nextmedia.com/news/art/20160520/19619986