ZKIZ Archives


肉麻宣言冧太太盧大偉樂天抗癌「AnAn要多啲休息」

1 : GS(14)@2016-03-05 01:12:10

■盧大偉患癌留醫仍發揮搞笑本色,叫大家多多祝福AnAn就OK。互聯網圖片


現年71歲的資深藝人盧大偉(盧David)前日突傳罹患腸癌兼病危消息,他謂因健康未如理想,所以教室的工作交由摯愛的買威符(太太)打理,他留言:「AnAn要多啲休息休息,大家不用多擔心,多多祝福AnAn就OK啦。」不過昨日早上又有傳他的情況未如理想,不少藝人朋友和教友趕去醫院探望。



■盧David前晚在fb貼文,自稱AnAn的他叫好友不用擔心。

■盧太昨全日在醫院照顧丈夫。



轉食素致身形消瘦

昨午一時左右,盧太步出病房並接受訪問,對於盧David目前情況,她說:「佢係病,不過佢係清醒,暫時嚟講係穩定,佢見到啲朋友都有講有笑,見到個個都講爛gag,多謝關心。」問盧David身形比以前激瘦,她說:「感冒都會瘦啦,同埋佢轉咗90%食素,係瘦咗好多。」她續說:「醫生暫時講只要佢情況穩定,或者覺得OK就可以出院,佢由第一日到而家心情都好樂觀,因為佢係虔誠基督徒,深信天父會為佢做最美好嘅安排,任何時間佢都咁開心同樂天,醫生同醫護人員都好錫佢,就算同醫生都講爛gag。」對於有指曾志偉介紹名醫給盧David,醫藥費方面則由志偉及演藝人協會幫忙,盧太坦言:「呢樣嘢我就唔講,因為涉及到其他人。」至晚上8時,盧太再接受訪問,她說:「佢而家比較多痰,休息緊,暫時算係穩定,仲成日講啲好骨痹嘅嘢。」據知身上插滿儀器的盧David扯氣扯得好厲害,不過他仍然很堅強與病魔搏鬥,盧太自從知道老公患癌後大受打擊,傷心得一度出現輕生念頭,幸好獲身邊朋友開解安慰,同時有不少朋友為盧David打氣。昨午張崇德獨自現身醫院,問到盧David目前的情況,神色凝重的他說:「等佢太太講,我唔係咁方便講。」



■曾志偉昨日出席活動時,表示過兩日去探盧David。

■有傳志偉(右)介紹名醫給好友盧David。資料圖片



曾志偉:佢進展幾好

另外,曾志偉昨在九龍塘出席活動,問他是否向盧David介紹名醫?他說:「我哋一直有聯絡,去年開始到而家進展幾好,我呢兩日會去探佢。」問有傳盧David患腸癌?志偉只說:「而家個情況OK,暫時係樂觀,佢自己都係一個好積極嘅人,每次見佢都會話『你放心啦,我實打得贏㗎!』佢仲話喺醫院冇嘢做,諗定好多無聊笑話,成日講笑我哋聽。」至於有傳他向演藝人協會求助,志偉說:「佢自己afford到。」昨晚約6時,陳敏兒亦前來醫院探盧David,她說:「我都係睇報紙先知,我唔知佢而家情況。」而雪妮昨在大角嘴拍港台劇集,與丈夫唐佳提到盧David入院一事,二人均說:「我哋覺得呢一刻唔好打擾佢,在心中。」採訪:黃曉妍、王連連攝影:陳俊強、仇志德



■張崇德(圖)及陳敏兒昨去醫院探盧David。

陳敏兒



來源: http://hk.apple.nextmedia.com/entertainment/art/20160303/19513571
PermaLink: https://articles.zkiz.com/?id=296717

Next Page

ZKIZ Archives @ 2019