【猴年到】三姑六問防禦法 不準備易抑鬱
1 :
GS(14)@2016-02-10 14:20:35農曆新年，工作終於告一段落可以鬆一鬆放大假，還有利是逗！但想深一層，又要面對姨媽姑爹問長問短，事業感情乜都攤晒出來問，唉，看在壓歲錢份上，還是不要想太多。心理學家就指，沒有準備，分分鐘令你更易陷入「假期抑鬱症」，對假期期望越高，失望越大，拜年前最好先有心理準備。史丹福大學教職員幫助中心的總監Mary Foston-English表示當大家心中想着「飲多杯祝你個個都開心歡暢喜氣洋洋」，但期望不一樣，加上總有幾個唔識do的親戚，反差太大，容易壓力爆煲。所以，家庭大聚會前，她會建議大家先想想有甚麼狀況會令你產生負面情緒，評估並調節情緒，如果有其中幾位親戚經常會觸動你的死穴，宜先計劃對策。另外，如果會攜眷出席，也要先講清楚雙方有甚麼期望和壓力，以免多磨擦，新年想嗌唔好口。以下是一些三姑六婆對應術供大家參考，可根據不同姨媽姑爹的性格靈活使用：【扮傻搞笑】當遇到難搞問題，例如問了十萬七千次的「拍拖未呀」，不想答可以發揮幽默感，無厘頭答案可以封住對方的口冇你符，例句：「我隨時OK，劉心悠ready我ready架！」【當面拒絕】有時親戚只是出於關心，用錯表達方式，甚至有時無心擊中你死穴，不妨直接表示你不想談論問題，通情達理的親戚應該會識做，例句：「放假唔想講返工嘢。」【熱血積極仔】其實親戚問問題當食生菜，見面寒暄一下，你真的掏心掏肺長篇大論他未必有興趣，既然他只是問問而已，你認真答，可能已終止話題，例如當晚你工作內容，你可答：「我們記者就是不畏強權，監察政府....（下刪三千字）」【反客為主】他問得咁開心，不知道他自己回答又是怎樣呢？殺他一個措手不及，他問你是否胖了計劃生仔，你可答：「對啊，我決定開始斷食減肥，看你也有需要，有沒有興趣加入？」【袋定啲故事】三姑六婆愛講八卦，口袋中有幾個奇聞故事袋住先，用作回應他的問題，聲東擊西。例如（又）被問：「計劃幾時生仔？」，你可答：「嘩，講你都唔信啊，我上司五十幾歲了，看了某某神醫，竟然成功懷孕！」【交番嗰波畀佢】可有想過，問你問題，其實想畀個位自己發表偉論，只要輕輕把球回傳，讓他慢慢講，其實問題已解決，被問到「你知道誰誰誰嫁得好，老公住洋樓養番狗」，你可答：「我老公當然不及你的好，可以分享下佢嘅投資秘技嗎？」資料來源：BeWell@Standford記者：馬朗澄
來源:
http://hk.apple.nextmedia.com/su ... t/20160210/19485290