2011-11-24 NM
香港地寸金尺土，一個位於元朗新街，不足四百呎鋪位，租金竟達六萬元！老闆趙茨龍（Dee，四十八歲）在那兒賣雞蛋仔，十元一底，每月要賣足六千 底，亦即每日要最少賣出二百底雞蛋仔，才僅僅夠錢交租。 加上食物成本上升，生意日漸難做，雨水多的夏天試過月蝕萬多元，他唯有不停諗計抗貴租，試過兼賣自家製的雞蛋仔粉漿、賣做椰汁用剩的椰子肉及椰子芯等下欄 貨、端午節賣糉。最近還想到把鋪位分租出去賣胸圍、內褲，賺得的錢竟比賣雞蛋仔還多。現在，Dee不用蝕錢之餘，每月更淨賺六萬元。
這 間雞蛋仔鋪名為「脆無窮」，在飲食網站OpenRice中共十二個評語，當中有八個讚好，另外兩個說OK。部分留言的食評指：「好脆呀！」有人甚至誇口說 比得上北角的利強記。記者依地址，尋找這間位於元朗同益街市附近的雞蛋仔界「明日之星」，赫然發現門口一邊賣內褲，一邊賣保健棒。然後，一個穿着人字拖的 男人，拿着兩個空膠樽，一邊敲擊，一邊叫：「埋嚟有超脆雞蛋仔啦喂！」記者抬頭見到「脆無窮」的招牌，門口中間有輛小販車仔，陳列了一底雞蛋仔和格仔餅， 才敢肯定這就是「脆無窮」。
原來賣內褲及保健棒的檔攤都是分租出去的，著人字拖的老闆Dee說：「無辦法啦，加租 加得咁犀利，唯有分租出去幫補。」Dee指這兩年間，業主已先後加租兩次，由三萬五千元加至四萬五千元，再加至六萬元。而他賣雞蛋仔，冬天時最高峰每日可 賣出五百多底，但一到夏天或雨季，每日只能賣出二百多底，僅僅夠交租而已。他唯有把鋪位門口割成兩邊，一邊日租八百元，可放置一張枱，另一邊只有一個企 位，但「租戶」可用咪叫賣，日租七百元。Dee指假如每天都有人租，每月可額外賺四萬五千元，等於每日多賣一百五十底雞蛋仔。以今個月為例，一連數天下 雨，賣雞蛋仔連格仔餅營業額少了一半。
分租包底有賺
即使分租比賣雞蛋仔好做，變身「包租公」的Dee又不可以放棄本 業，因背後原來有協同效應。記者見其中一個雞蛋仔計時器在三分三十八秒響起，一邊說話一邊在門外搬貨的他，即時轉身揭起雞蛋仔爐蓋：「雞蛋仔要即叫即整先 好食。」原來，這三分鐘除了是雞蛋仔的黃金時間外，更能讓客人在等候雞蛋仔出爐期間，順便看看分租鋪的貨品，Dee說：「有人會等緊雞蛋仔時買襪，企喺度 睇睇吓就會買。」Dee和租客便可互惠互利，他說附近的菲傭喜歡在這兒買胸圍，同時買格仔餅食，「佢哋仲問我英文係咩，我咪答『Hong Kong Pizza』囉！」 為了避免租客與自己打對台，Dee對租客亦悉心挑選，「試過有人想賣麵包，我梗係唔租啦，咪即係同自己打對台？兩個租客賣相似嘅嘢我都唔會租。」如鞋鋪要 佔用太多位置的他不租，會弄髒地方的也不租。記者見有人想在其鋪賣豆漿和豆腐花，被Dee以搶生意及弄污地方為由而拒絕。
分 租的主要宣傳途徑只是在門口張貼「歡迎散租」的告示，不過要令分租長做長有，Dee會盡量方便租客，如延長開鋪及收鋪的時間。記者見當租客要去洗手間時， 他或其員工會自動自覺頂上替客人看鋪。收鋪後，又會順手替租客搬貨。現時Dee已儲下一批熟客，會定期在每個星期都租一至兩日。為了綁實這些熟客，他決定 聖誕、新年等旺季也不加價。他謂每天都有不少租客搵上門，「元朗人流多又有消費力，不時有自由行嚟買日用品，但鋪租好貴，所以佢哋見到分租都爭住租！」有 地產經紀亦表示元朗分租散貨場極受歡迎，更表示在聖誕、新年等檔期，二千蚊一日都有人租。Dee指租客要在最少一個星期前往銀行入數，現時已開始預約十二 月的檔期。記者第一次去見到鋪外賣內褲和保健棒，幾天後已經變了賣陳皮桔和胸圍。 鋪位是否可以分租，在於租戶與原業主的租約上有否列明禁止分租，或要得到業主的同意。Dee表示業主不時來巡視，早知他把鋪位分租，只要求他不弄髒地方及 準時交租。
日租一千 分租生果鋪
Dee十七歲中學畢業後，便跟隨父親在大牌檔開檔，由廚房、落單、執枱，到收錢一腳 踢，他矢志轉行賣雞蛋仔及格仔餅，貪其工夫少，本小利大，但他做落才發現，一底賣十元的雞蛋仔，毛利雖達八成，看似好搵，但鋪租昂貴，令他頭痛。本來平均 月賺三萬多元的Dee，試過每月倒蝕過萬元。他懂得用分租抗衡貴租，全因個人經驗。
六年前，每逢冬天就會到元朗一 間齋鋪門口賣雞蛋仔，直到齋鋪結業，他轉到元朗一間生果鋪的門口擺檔，日租六百元，冬天可每日賣五百多底雞蛋仔，日賺三、四千元。老闆見他好賺，便每個星 期都要求加租，最後加至日租一千元，即月租三萬元。他為了抗貴租，想過兼賣飲品，但生果鋪老闆不准，他認為不少人想學他一樣推車仔賣雞蛋仔賺快錢，又懶得 自行調校，於是出售用來做雞蛋仔的粉漿，每斤賣十元，每日增加六百元收入，冬天過後，Dee便決定不再續租。之後他花了近一年時間，都找不到租金合理兼人 流旺的鋪，故他跑了去開小巴及學童車幫補家計。直至○九年，他見到元朗新街有吉鋪，鋪外經常人來人往，即使鋪位面積比他需要的大都照租。
賣零成本下欄貨
決 定把鋪位分租之前，Dee為了抗貴租，已扭盡六壬。除了賣雞蛋仔和格仔餅外，還賣椰汁和蔗汁，「當時椰汁大王興起，我就跟風。」不過，一年過後業主把租金 加至四萬五千元，兼賣飲品已不足以回本。在街市附近開檔的Dee觀察到，不少師奶都喜歡買椰子煲湯，他就物盡其用，把用不完的椰肉和椰子芯以每斤二十二元 出售，在夏天時，他甚至在鋪裡種椰子，每個成本才十元，「有芽嘅椰子就可以種，當盆栽擺，又有人買喎，種得靚嘅賣三百蚊一盆！」端午節時，Dee會賣糉， 「每隻來貨三個半，我賣八蚊。」也試過兼賣滷水豬手，但一個月前因成本上漲而放棄，「開始時來貨廿五蚊一隻，我賣三十五蚊，但批發商加價至大約三十五蚊一 隻，仲話『係咁貴啦，你買唔買呀？』」
Dee認為現時把門口分租出去，令很多食客都對「脆無窮」印象模糊，他始終 希望可以做得專門一點，讓更多人認識。他對自己的雞蛋仔充滿信心：「雞蛋仔的做法和點心差不多，落生粉、麵粉、泡打粉等等十幾種材料，加上澄麵令口感煙韌 啲。」適逢最近不少台式飲品店相繼結業，多了不少吉鋪，他看中了一個在元朗大馬路的鋪位，打算開分店，鋪位只有二百多呎，租金三萬多元，齋賣雞蛋仔及椰 汁，更把握機會與業主講價：「我諗住慢慢同個業主傾，講到三萬以下先租。」
拆解雞蛋仔成本
假如Dee不把鋪頭分租出去，雞蛋仔及格仔餅每月營業額為$105,000。Dee每賣出一底雞蛋仔，當中17粒是要來交租，盈利只有7粒。
開業資料（04/09）
租金：$140,000* 裝修：$250,000 雜費：$15,000 入貨：$2,000 總投資：$407,000
營業資料（10/11）
營業額：$150,000▲ 租金：$60,000 人工：$7,000# 入貨：$11,000 雜費：$2,500 盈利：$69,500 ▲：包括$45,000分租收入 #：一名全職員工