賀新片票房破千三萬小方啜喊Stephy
1 :
GS(14)@2016-01-08 08:46:26方力申（小方）和鄧麗欣（Stephy）主演的電影《紀念日》是他們拍拖近十年的紀念品，前晚《紀念日》劇組在銅鑼灣慶功，慶祝票房超過1,300萬元，小方更徇眾要求當眾向女友Stephy獻吻，小方向Stephy送上零食籃，又錫女友面珠兩啖，搞到Stephy感觸到抹淚，還笑說：「佢已經好好喇，平時冇驚喜已經係驚喜。」票房祝捷，Stephy超開心，她說：「因為上一套《我的最愛》都係1,200萬，而家呢部去到1,300萬，已經破晒紀錄，都鬆咗一口氣，因為拍呢部戲時，好大壓力同好期待，而家有咁嘅成績所以好開心，多得觀眾同老闆，反應都好好。」小方提議老闆如果票房達1,500萬元，可以考慮請他和女友去瑞士，他說：「如果真係1,500萬，我着住單車泳褲，上身赤膊，喺雪山玩人肉雪球，我唔識滑雪都冇所謂，大家開心，老細肯我冇所謂。」Stephy搭嘴說：「我着泳衣坐雪車，因為我要負責幫佢影相。」
■小方和Stephy得知票房超過1,300萬即開心相擁。
■小方提議《紀念日》票房超過1,500萬希望老闆請大家去瑞士旅行。
■岑日珈生了一個7cm的水瘤，之後會入醫院切除。
岑日珈月底割水瘤
另外，岑日珈早前被指生水瘤，她說：「個水瘤喺子宮度，本來一路食住止痛藥，靠藥物控制，但呢兩日可能藥物影響，額頭、背脊同手臂都生瘡，自己從來唔會好擔心囉，本來諗住藥物控制到，但今個月25至30號入院切除（水瘤），因為醫生幫我照過，個水瘤係惡性，所以要入院切除。」採訪：曹家誠攝影：陳慧安
來源:
http://hk.apple.nextmedia.com/entertainment/art/20160108/19442937