藝術家 揀嘢做
1 :
GS(14)@2015-07-23 01:31:37黃秋生演過不少舞台劇，但今次演《狂揪夫妻》，他坦言也有壓力，為了參演這個舞台劇，秋生與君如更推了不少工作，君如說：「前前後後唔見咗四個月，有好多商演，真人騷都推咗，因為要搭飛機去拍。」問君如損失有否過千萬元？她笑說：「做人唔可以咁膚淺嘅，唔可以講錢，搵錢幾時都有得搵，我都想沉澱吓自己，呢個一定唔係用錢嚟衡量，係一早想做嘅嘢，接商演係賺好多錢，但可能唔開心呢，同埋而家年紀開始大，揀嘢做要好愉快先得。」
■秋生為了參演《狂揪夫妻》推掉了一部荷李活電影。
秋生則說為了演出這個舞台劇推了一齣荷李活電影，他說：「本來傾緊，但因為撞咗期，都冇得可惜嘅，冇辦法。」君如笑言其實大家都是藝術家，秋生即笑說：「我唔係㗎，我想搵錢㗎，我更加想㖭啦，內地直情冇，只係去荷李活。」問秋生會否為搵食而不再「敢言」？他說：「我不嬲都係咁，有乜嘢敢唔敢言，我覺得係基本權利，會考慮幾時講，係咪有需要講囉。」
來源:
http://hk.apple.nextmedia.com/entertainment/art/20150718/19223340