(呢 次已係我第二次重寫, 之前一早寫好左點知post唔到仲要冇埋篇0野, 再寫又係咁, 佢話自己系統繁忙... 我覺得好失落, 唔通就咁爛尾收埸?!!! 心有不甘之下, 我呢次改埋之前想寫0既內容, 希望剩下兩篇就算冇都可以收尾, 下篇我本來係想勸多最後一次"回頭是岸", 再解釋下投資股票未必可以保值致富的道理, 所以如果你決心要股海掏金或鱷囗偷金, 咁下篇可以不理, 我地在此道別, 如果你已股海回頭 , 咁我恭禧你, 你將會找到更好的增值致富之道, 我地都可以拜拜啦, 最後一篇係成個blog既"序", 寫俾以後無意中走進呢度既朋友, 大家可以 不理.) 上個月有篇咁0既news: : http://www.am730.com.hk/article.php?article=57596&d=1490 睇 完對我都幾大打擊, 大家都知我係以傳"股海福音"為己責, 眼見沉迷股海既股友不能自拔, 我覺得有責任導佢地上岸. 我希望呢個實驗係成功既, 因為 從此股友們就可以坐係度等運到. 但我也深信呢個實驗就算成功也會很快被市埸再次打敗, 之後又有新的方法出現, 周而復始, 循環不息, 所以大家都唔 洗咁期待.我個人認為炒股必贏只有一個方法, 就係"唔炒",不賭是贏錢, 其實真係好易, 唔洗學都人人識. 但 我吹左咁耐水, 我覺得我都應有少少責任分享下我個人既少少心得, 股海浮沉多年, 話冇一技傍身都唔多老實, 而我深覺大部份散戶同我一樣, 唔會讀年報, 唔會做研究,唔信高人, 唔信圖表, 更加唔信炒唔蠃個市. 因此我可以提供一些意見令大家可以唔洗付出咁多努力同心機都可以唔洗輸(注: 係唔冼輸, 蠃唔蠃就睇造化啦, 嘿~) 我 投資選股主要有兩個方法, 第一個方法很簡單易明, 就係選一堆過往兩三年內都派高息既低P/E股, 然後剔除一些細公司, 再剔除一些股價唔跟大市升跌既僵尸股, 剩番既再以行業穩定性順序選, 以上只要有電腦都可以輕易找到, 遇去兩年我以呢個方法買入又仲係手既股票有PFE, 0008, 0148, 0823, 同8008, 當然同期亦有更好選擇例如0316同 0006. (注:我提以上呢d股有些現價已不太附合要求, 只係舉例說明, 我重申我對自己既吹水行為係唔會負任何責任), 選呢類股票時最好選d大股東係你了解的人, 有番咁上下背景, 由於每人口味唔同, 我既選擇未必合你意, 例如我仲意買d有8字頭既股, 貪佢地易記 d, 又或者我細個時係張國榮fans, 所以揀左0148, 又或者我見到有人口吃都可以克服到, 我覺得呢個人係有希望既... 總之一句, 我冇睇 過佢地既詳細財務狀況, 只知派息及P/E. 另外, 必須提醒下大家, 好多高息股係陷阱股, 如何分辨就各師各法, 所以最好"以人為本"做首要選擇條件. 呢類股最好長期揀定幾隻, 未必要買, 但一旦 市況不明,冇野好買, 咁就可以買來消磨下曰子. 另一個方法就複雜少少, 但比起睇財務報告又簡單好多, 基本上都係花十分八分鐘可以完成, 但難度在於一個"坐"字. 我長線選股比較注重宏觀方面, 我會當一間公司係一架行駛中既車, 我對行駛中既車冇乜能力去了解佢內部結構, 對我來說車即係車, 車頭蓋入面係咩唔重要, 反正我唔識, 佢話咩就咩, 但最重要係佢既方向, 佢要去既地方係太平山定係寶福山. 研究車需要好多專業知識, 但睇路就易好多, 你只需要企高少少望遠少少就大概知架車會去邊坐山. 例如我覺得2318好既原因得一個就係佢一開始就全盤西化包括會計制度, 所以我地可以睇到佢行走的方向, 事實上我從未做過任何其它分析就持有至今, 我一路唔多好d內銀股, 原因係我冇辦法睇到佢地未來幾年有咩作為, 而風險更係難以評估(注: 唔係話佢地危, 只係冇得估) 目前在可選的股票中, 我只有兩三隻心水, 估計長線會有所成, 一隻係電器股, 它在國外已漸漸打開市埸, 留意它時是上年初電器下鄉時有新聞話d農民用佢既冼衣機洗番薯, 呢d真係質素既表現. 另一隻係日常用品, 一隻熱門股因該好易估, 但現價都唔平, 第日有股災出現, 不彷買d用來養老 .還有一隻做衫既, 我睇過佢係大陸既廣告, 我覺得好得下, 唔係BYD或霸王可比, 但有一定週期風險, 如果轉形成功, 都可一搏. 另外也有一些 中國熱門股質素也不錯, 但我唔多仲意揀熱門股, 因為咁多年以來, 我發現真正的好股都係"偷偷的"升, 冇人提, 冇人留意, 好多d生意仲好冷門下, 只係一旦成為焦點往往都係衰落之始. 在此我也提醒下大家, 不要去刻意找尋"千里馬"或"十倍股", 只要多留意下身邊事物, 很多時就在你眼前, 例如有小孩的父母不難發現vtech玩具的優勝之處, 買iphone既人也不用懷疑apple的前途(注: 老闆死左另計), 網上search大陸0野, 我一向首選百度, 其它根本冇得比. 當然呢d股已街知巷聞, 現價買來長線都未必有太大作為, 只係求其舉例, 到下次股災時如冇太大改變或可以買d. 短 炒我唔講咁多啦, 大家都知我係亂來的, 如果非要總結下心得, 我本人呢兩年好喜歡炒濠賭股,我初初係以價值投資既心態去買, 大家都知呢個世界冇咩生意好得過開賭埸, 仲要開係世界上最爛賭既國家, 基本理念好附合 真正既價值投資, 但好快我察覺到"濠賭股, 好難估"既特性, 原來佢地既股票都係同買大細一樣, 係一鋪鋪咁開架, 完全係短炒人仕既至佳選擇. 寫 埋呢篇, 我個人炒股既理念已幾乎講晒, 冇乜特別過人之處, 只係一d個人經驗, 希望大家唔好咁失望, 投資市埸來到這年代, 本身是沒有任何新意的, 努力鑕研投資並不一定會有回報, 相信別人, 花時間追求成功之道不如從自己的經驗中找到自己的一條路, 如果幾年還找不到, 那就不如及早回頭是岸, 山不轉路轉, 路不轉人轉, 要達到財務自 由, 股票絕非一條好走的路.....