寫左咁耐blog, 我一早已發覺我已偏離我本身寫呢個blog既目的, 所以都係時候摺埋佢. 餘下幾篇我希望可以回到主題, 分享一些我個人對投資市埸的看法和心得. 有 網友曾問我寫blog又唔想咁多人睇寫來做乜, 其實我本身就是一個思想茅盾的人, "寫"是因為看了太多大同小異既投資文章或書, 想用自己的角度寫些不同的東西, 怕多人睇係因為自知有許多東西我寫的都不是王道正宗的投資之路, "入市"未深的人可能好易被我誤導左, 所以我決定隨緣, 找到來這里又有耐心看我blog文的人, 我想也是緣份, 俾我誤導左都係天意~~ 有 幾位網友都話唔係好明我寫既0野, 咁係好正常, 好多時我自己都寫寫下唔知自己寫緊乜. 我總結問題出左兩個方面, 第一係我詞不達意, 吹水我強項, 但寫就好麻麻, 第二點就係我寫得太隱晦, 許多東西我不敢寫得太清楚太肯定, 因為我從來不信市埸有高手可以完全明白市埸的運作, 所以我更加想避免令自己有一個"高 手"的形像, 也不想令人誤會我很專業. 很早之前我也強調過我財富大部份都不是來自個人炒股所得, 我手上還有許多股票我連名都唔記得, 有時買左都唔記得買過, 看帳單成曰都"R'晒頭, 唔知做過d咩. 炒股炒期對我來說已成為一種"愛好", 而"愛好"好多時係要pay的, 我也不例外, 只係在大災大難時我的運氣不錯, 總可平安渡 過.如果你問我, 咁既狀況睇我寫既野又有咩意思? 老實講, 其實冇乜特別意思, 但如果有日你發現對我所寫有些印像, 那時或許你會明白"股海無涯". 上次同網友聚會時, 有人話有興趣想了解多些我的思維模式, 好多人曾說我寫的東西很像老曹, 其實我冇睇老曹大大話話已10年有多(well, 間中有睇一兩篇), 我個人覺得我們這些在市埸混得久的人包括本網的陸sir都有一些共通點, 就係'謹慎', 對市埸多一些提防, 寧願睇錯十次也不願 做錯一次. 但我自問冇老曹對市埸咁灰或咁固執, 或許我比佢後生, 我比較相信市埸係正確, 亦比較堅持市埸操作手法的本質在某程度上幾乎冇變過, 我之後會盡量解釋清楚我這種看法.