讚王征心理質素高：應做外交官
1 :
GS(14)@2015-04-14 02:05:39【本報訊】匯友資本上周四召開記者會交代收購亞視的來龍去脈，單方面證供看來，「真命天子」匯友被王征玩到透。不過無論傳媒如何挑撥，匯友首席合夥人胡景邵對王征都無半點負評。上周他接受本報訪問時首評王征，「佢心理質素實在太高，應該去做外交官」。自1月底入標收購亞視控股權的胡景邵，曾與王征多次見面。這個會在政府總部跳騎馬舞的男人，坐在數以億元計的收購交易談判桌前會換上撲克臉，胡景邵說：「泰山崩於前，佢都不動聲色。」法庭委任的亞視經理人德勤不斷勸導王征，他都不當一件事（記者問：可能係儍？）「佢唔係儍，係豪賭。」
「佢話亞洲CNN好易做」
市傳匯友出價3億元收購亞視，當中已包括償還亞視欠王征的債務，而王征索價7億。胡景邵不評論收購價，「佢（王征）淨係睇到自己揼咗18億，但睇番盤數，你（亞視）係零equity value（資本價值）」。胡景邵嘗試站在王征位置，思考他曾批評白武士收購方案「無操作性」的理據，「用廣東話講即係搞唔掂。（記者：佢自己搞唔掂？）（王征借款來源）係第二個渠道，佢可能搞唔掂下家，我唔識猜測」。匯友在3月31日將簽好的收購協議書透過德勤交予王征，「都唔知佢簽唔簽，因為佢心理質素太高，好難去猜測，其實佢應該去做外交官」。當晚亞視六點鐘新聞宣佈王征接受香港電視主席王維基的收購主要條款，胡景邵與匯友另一合夥人何智恒在公司看完新聞，就離開公司去晚飯。「好多嘢都冇必要喺嗰一分嗰一秒即刻捉住某啲人問。」何智恒說。與王征談判近2個月，最令胡景邵難忘是王征對亞視的認知，「佢心目中覺得亞視仲係做得唔錯，好有價值。（亞洲CNN）佢話應該好易做到，只係佢冇時間去做啫，佢唔夠時間」，說罷，胡景邵露出一個「你懂的」笑容。匯友上周四開記者會，胡景邵兩度扮亞視經理人德勤華南區主管合夥人黎嘉恩揚起文件手勢，並笑說「等我又學吓Derek（黎洋名）咁先」，是否不滿因對方揚文件令匯友收購亞視的買家身份曝光？「唔係，相信係無心之失，Derek喺成個交易一直好專業，唔相信佢專登做呢樣嘢，佢可能都係太開心」。■記者孔雪茵
來源:
http://hk.apple.nextmedia.com/news/art/20150413/19110563