世界上10個無法到訪嘅地方 2015年04月09日
1 :
GS(14)@2015-04-12 18:13:27http://www.am730.com.hk/article-259209\r\n\r\n對於我哋呢班一介草民，其實去唔到嘅地方點止10個？不過今時今日，只要俾得起錢連太空都可以去，問題就只關乎值唔值得，以下10個地方神秘度十足，吸引力爆燈，就算想去，都要視乎個人嘅身份、權力仲有勇氣，簡單嚟講，先天或後天不足就幻想下算啦！\r\n\r\n氣象山\r\n(Mount Weather)\r\n氣象山係1957年由當時嘅美國總統艾森豪威爾下令興建。外間一般認為嗰度建有地下「白宮」，能夠抵禦核爆嘅衝擊，有獨立儲水及污水處理廠，通訊設備足以做三軍總司令部。911發生後，亦有報道指氣象山一度作為重要人物嘅避難所，絕對係高度設防嘅區域。\r\n\r\n西蘭公國\r\n(Principality of Sealand)\r\n所謂嘅西蘭公國，其實係英國地域嘅一座廢棄海上堡壘，大概550平方米面積，得廿幾個人住。1966年，貝茨將軍帶住家人進駐，宣布脫離英國管轄成為獨立國家，仲鑄造自己嘅錢幣，當然除咗貝茨家之外，無人承認過啦！由於個島主權尷尬，想到訪都唔知向英國定貝茨後人申請。\r\n\r\n曼威斯山英國\r\n皇家空軍基地\r\n(RAF Menwith Hill)\r\n呢度除咗係軍事基地，亦係通訊攔截兼導彈預警站，建於上世紀六十年代嘅冷戰時期，見到咁多衞星通訊天線，就知道佢另一個目的係為咗收集情報兼監控，不論有線定無線通訊，電子定非電子訊息都會截，所以亦係全球最大諜報網，係咪即刻諗起《竊聽風雲》呢？\r\n\r\n梅日戈爾耶鎮\r\n(Mezhgorye)\r\n1979年先至被發現嘅俄羅斯中亞小鎮，據聞，住喺鎮入面嘅都係從事高度機密任務嘅人，而且同外國隔絕。上世紀蘇聯解體之後，美國觀測到呢個鎮有大型工程，認為係軍事要塞，不過無論點問同問咩人，回覆都好似啲高官答問題咁，答咗等如無答，如果有人去到呢個鎮，真係要證實一下。\r\n\r\n地鐵2 (Metro-2)\r\n同樣位於俄羅斯嘅莫斯科地鐵2，傳聞建於史太林時期，有四條主幹道，連接克里姆林宮、俄羅斯聯邦安全局指揮部、伏努科沃政府機場、地下城及其他重地，最抵死係俄羅斯聯邦安全局同莫斯科地鐵局對呢個鐵路系統都不置可否，莫非信則有不信則無？\r\n\r\n51區 (Area 51)\r\n呢度咁出名，當然係因為多年以嚟同UFO扯上關係，較務實嘅人則相信係秘密軍事基地，喺2013年，一份美國中央情報局機密報告，終於證明咗51區嘅存在，但就無提到外星人喎，至於今日，51區外仍樹立咗「不准進入」、「不准拍照」警告牌，仲寫明「進入者會受致命驅趕」，你仲去唔去？\r\n\r\n蛇島\r\n(Snake Island)\r\n呢座位於巴西聖保羅市附近嘅小島，住咗大約4,000條金槍頭洞蛇，平均每平方碼就有一條，平日以捕雀維生，俾佢咬親嘅死亡率高達7%，啲毒液亦可以溶化肌肉，咁危險嘅地方，連巴西政府都禁止遊客登島，每年只有少數科學家可以登島研究，咁恐怖，就算請都未必有勇氣登島。\r\n\r\n梵蒂岡機密檔案室\r\n(Vatican Secret Archives)\r\n電影《天使與魔鬼》講到呢度好神秘，事實上除咗個名有「secret」呢個字之外，全無機密可言，雖然唔可以親身入去，但只要填張表格就有人拎你想睇嘅文件俾你睇，惟一限制只係唔睇得75年內嘅文件，目的係為咗保護外交資料，過咗75年就解禁，等下啦！\r\n\r\n北森蒂納爾島\r\n(North Sentinel Island)\r\n唔係人人都鍾意現代化，呢個位於印度洋上嘅島，就住咗一班停留喺石器時代、拒絕同外界接觸嘅土著，以往有殺死擅闖者紀錄，最近一次喺2006年，印度政府想攞番死者條屍都要等機會偷，仲呼籲外界唔好干涉呢個島，咪以為怕咗佢哋，其實都係出於好意，想保護佢哋，話最好嘅方法就係唔好打擾佢哋。\r\n\r\n39局 (Room 39)\r\n傳聞39局係北韓嘅神秘機關，估計設喺平壤某座勞動大樓，負責毒品、軍火交易，仲講到有十幾廿個中國同瑞士銀行戶口洗黑錢，講到似層層咁，其實莫講話39局，就算去北韓旅行都手續多多，事關當地唔似香港咁開放自由行，有晒配額兼有人監視，唔係你話去就去㗎！