我主場：葉璇不婚宣言
1 :
GS(14)@2015-04-05 22:26:41
■葉璇愛事業多過家庭，計劃60歲後才結婚，更不排除終生不婚！攝影：郭賢興
港女怕做剩女，偏偏有筍盤向葉璇逼婚要求她退出娛圈，她卻不肯嫁，現年35歲的葉璇愛事業多過愛家庭，她願把婚期延到60多歲後，甚至終生不婚，她決心在未來30年再拼搏。大前年葉璇已雪藏卵子，計劃將來也聘代母生B，徹底做個女強人。撰文：比華利每次見到葉璇，總愛追問她甚麼時候出嫁？她這次的回應是：「60幾歲先結婚啦，我享受戀愛日子。」去年她才說50歲前會結婚，怎麼一年後竟把嫁期再延10多年？葉璇直認事業心強。
■今年2月情人節踏入35歲的葉璇（中），希望再拼搏多30年。微博圖片
■早前葉璇（中）投資的《第九個寡婦》，幾乎蝕清2千萬人仔。微博圖片
幾乎蝕晒2千萬
近年北上發展的葉璇，靠着在圈中累積經驗和人脈關係，4年前成立工作室，自資拍劇賺人仔，同時以製片人身份簽約強視傳媒出任董事，誓要在影事界大展拳腳，她打江山全靠三本主義：「要本事、本人同本錢，任何一個行業，只憑掛名係冇用，唔可以遙控坐冷氣，除咗事事親力親為，仲要捨得投資。」葉璇由寫劇本到幕前演出，一人身兼多職，失眠導致壓力爆煲，她於3年前首個投資是開拍內地劇《第九個寡婦》，她說：「投資咗2千幾萬人仔，拍完遇上發行問題，差啲要蝕晒，好彩有貴人相助，問題得以解決。」難關逐一擊破，也為葉璇打了強心針。
■享受做盛女的葉璇已將卵子雪藏，日後找代母生小朋友。
雪卵搵代母生仔
葉璇把全副精神投放事業，她笑言嚇走追求者：「不過嚇極都仲有，
2 :
greatsoup38(830)@2015-04-05 22:37:27家工人同助手都照顧得我好好，唔需要為咗咁樣去結婚。我好理智，或者因為父母離婚，我睇得好化，我唔排除終生不婚㗎，但絕對唔會閃婚。」
現年35歲的葉璇享受做盛女，即使沒結婚打算，但她都為養育下一代做了妥善準備，她擔心年紀大變高齡產婦，大前年已花了十多萬人民幣在美國雪藏卵子：「到我揀啱另一半，到時想要小孩都唔會遲，我諗好唔會自己生，以前我讀生物化學，好清楚生育對女性係十級創傷，有雪藏卵子，想生可以搵代母，科技發達就係可以免咗呢個風險。」葉璇要把握事業黃金期搏到盡，生仔免問，如果有追求者願出高價買下她的雪藏卵子造人呢？她說：「唔會賣，賣得幾多錢啫。」
服裝：Vega Zaishi Wang
化妝：Kathy L. of Ciao Bella
髮型：Chris Cheng of IL Colpo Platinum
場地：IL Colpo Platinum
[■葉璇在《暴瘋語》中慘遭青雲毒打。劇照] ■葉璇在《暴瘋語》中慘遭青雲毒打。劇照
等機會逆襲劉青雲
好戲之人，經常會在水銀燈下碰頭，葉璇和劉青雲近年頻頻合作，去年才拍完電影《竊聽風雲3》，昨日又有新片《暴瘋語》上映，這次戲中扮演夫妻，精神病患者的青雲會掟葉璇落街致死。
葉璇接戲之初期待與青雲談情說愛，結果事與願違換來毒打，她說：「《竊聽3》又係被打，佢次次專係打我，睇嚟佢係我『尅星』，希望下部戲，有導演可以畀我復仇機會。」雖然被打，但葉璇大呼過癮：「我好放心任青雲打，佢好專業，就啱晒位，唔使真係摑落嚟都有逼真效果，唔係我錫身，拍打戲好講對手，臨時演員調校唔到啲力，好易俾佢哋打傷。」