《找數》齋講唔磅水街坊投訴TVB搵笨
1 :
GS(14)@2015-02-22 12:56:23
■阮兆祥主持無綫賀年節目《找數》，被市民投訴指年初二在筲箕灣街市走數。互聯網圖片
由阮兆祥主持的無綫賀年節目《找數》，到各區聲稱為市民埋單。不過昨日本報收到讀者陳太投訴，指年初二在筲箕灣街市生果檔遇到阮兆祥錄影《找數》，祥仔一聲令下：「你哋揀喇！一千蚊之內。」引起一陣混亂，最終陳太的生果無人找數，陳太氣得將阮兆祥講做黎耀祥：「仲同佢講恭喜發財，點知個節目咁玩嘢！我懷疑邊度係真找數邊度係假找數。」陳太接受電話訪問詳述遇到阮兆祥錄影經過，她說：「初二朝早八點九度，我無意中飲完茶行去街市經過生果檔，見到黎耀祥（阮兆祥）梗係開心，佢訪問完兩個阿伯，就搭嘴問佢係咪找數呀？佢同我哋一班人講：『你哋揀喇！一千蚊之內』嗰時都好混亂，我揀咗兩抽個老闆娘話要畀咗錢先，叫我哋問番佢攞，最後有個公關猛咁話唔好意思，恭喜發財。」
■年初二阮兆祥在銅鑼灣找數，引起途人圍觀。電視圖片
■阮兆祥連日來已到全港各區幫人埋單。電視圖片
「搵人做臨記」
陳太最終沒有買下兩袋生果，不過她對《找數》表示不滿，陳太被問到工作人員為何致歉？她說：「唔係幫我哋找數，話唔好意思，好似搵臨記咁，你個TVB節目唔係咁樣搵笨。」無綫外事部發言人曾醒明表示已即時向《找數》製作單位了解，他承認當時情況混亂：「上限係一千蚊，大家知道祥仔嚟，喺忙亂中有人攞生果但係冇同老闆講，我哋已經即時截數，埋單係六千蚊，我哋有單據所以唔存在欺瞞成份。」採訪：非非
來源:
http://hk.apple.nextmedia.com/entertainment/art/20150222/19050228