日做十二個鐘 點心師嘆沒空湊子女
1 :
GS(14)@2015-01-24 08:32:58
【本報訊】飲食業工時偏長，難吸引新人入行，現職員工也辛勞。四十多歲點心師傅羅鄧敬十多年來日做十二小時，新年前後再加班兩至三小時，卻沒超時補水，「返工冇咗大半日，返屋企攰到死」。兩名子女已升讀大學及中學，她內疚沒時間陪伴他們成長，「好多時趕唔切返屋企煮飯，惟有叫佢哋自己買麥當勞、煎隻蛋當一餐」。她希望標準工時立法，規定每周工作逾四十四小時可獲補水。任職廚師十六年的劉先生同樣「賣身」工作，每周工作六日，每日連飯鐘直踩十小時。合約沒定明工時，也不設加班補水，慨嘆工時長影響日常生活，「成日困喺廚房，陪唔到屋企人，見朋友更加難」。他說不奢望，只想每日工時減至九小時，「起碼唔會成個人生只得工作」。
冀定每周工作四十小時
可口可樂工會會長陳慶龍則指，夏天旺季時每日開工逾十三小時，試過最長送貨送足十六小時，「同部機器冇分別」。他有兩名兒子，但他每日早出晚歸，見面不多，「朝早返工佢哋未起身，到我放工返屋企佢哋瞓晒，你做仔女都會想多啲同爸爸一齊食飯」。他希望立法規定每周工時四十小時，「生活平衡啲，似返個人」。有人擔心標準工時立法後會導致裁員或收入驟減，劉、陳兩人均認為新例需要適應期，標準工時長遠對勞資雙方有利。陳慶龍稱，用時間換金錢是悲哀，「