追源尋味：尋覓鵝王
1 :
GS(14)@2014-10-18 22:52:13
■由朝斬到晚，師傅毫無疲態，還與食客有講有笑。
在清明重陽這春秋二祭，尤其是重陽後兩個月，正是吃鵝的上佳節令，連食家唯靈都說：「重陽、清明是鵝仔當造期，若這期間鵝不靚，全年都不用吃鵝。」鵝靚全因天氣稍帶涼意，鵝隻胃口變佳，自然長得肥美，燒出來的鵝更是油潤嫩滑，肉質格外纖細。說起燒鵝，你可能會讚鏞記，他則誇一樂，無論是那家店的粉絲，相信他們對燒鵝均有相同的要求──熱辣、皮脆、肉嫩、入味兼富肉汁。要做出靚燒鵝必須有靚鵝源，亦要有準繩的烤製時間，今次特別到被譽為「元朗燒鵝王」的天鴻親睹燒鵝烤製過程，更跑上佛山高明的鵝隻養殖場看靚鵝的飼養過程，為的只是一隻完美的燒鵝。記者：區佩嫦攝影：劉永發、梁志永
老闆余志雄
尋味：佔領門前日賣百隻 元朗天鴻燒鵝
「我啲客多到做唔切」、「一向都係人等我啲鵝，唔係我啲鵝等人食」，這幾句話出自天鴻燒鵝負責人余志雄（雄哥）口中，你覺得他寸嘴？但只要到天鴻一趟，你發覺他確實寸得起。星期日下午四時多，店門未開已有十多人佔領着店前空地，五時開閘，佔領者化身成外賣人龍，內有元朗區內客亦有特意駕車前來的區外客，他們將一隻又一隻燒鵝帶回家，而店內食客面前必定有碗燒鵝飯，在旁的我保守估計短短半小時已售出十隻燒鵝，這時雄哥糾正：「賣咗廿幾隻喇！」計計數，大約平均一分鐘賣一隻，完全稱得上貨如輪轉。「假期係多啲外賣客，今晚預咗七十幾隻鵝，全日可以賣過百隻！」它的燒鵝更吸引到蔡瀾、已故鏞記掌舵人甘健成捧場，故開業十多年的天鴻被譽為元朗燒鵝王實不為過。天鴻燒鵝的精采之處，在於鵝靚兼且烤製時間掌握得好，任何時間也能吃到熱辣辣脆卜卜的新鮮燒鵝，工場的烤爐可謂全日無休，早上十時便開始運作，為十一時的午市做好準備，「燒鵝要分五段時間出爐，先可以保持新鮮，每轉可以燒十二隻鵝，大約要五十分鐘，間中要睇吓火轉吓隻鵝，