📖 ZKIZ Archives

[AM人物] 巴士逃票剋星 港第一代女售票員 (2013年04月29日)

1 : GS(14)@2013-04-29 22:36:21

http://www.am730.com.hk/article.php?article=152426&d=2030
【am730訊】「我專向惡勢力挑戰，嗰陣啲人叫我做女殺手！」她雖沒有一身好武功，卻憑著一副穩固的馬步，以及一眼關七的觀察力，成功令不少蓄意逃票的巴士乘客「聞風喪膽」。服務九巴47年的梁美芬(芬姐)，是七十年代首批招募的女巴士售票員，當年全港僅得22人。
記者：賴銘傑

出身新界圍村家庭，女性出外工作本來已非易事，何況是「六七暴動」的非常時期。芬姐憶述，由寄信應徵到受訓一刻，無不瞞著家人，以圖先斬後奏，「靜雞雞走咗去囉………話成班圍村姊妹出去買衫、行吓街趁吓墟睇吓嘢」，連入職所需的100元「制服錢」及100元「票袋錢」(抵押金)，亦是向左鄰右里逐少逐少商借回來，「當時做警察都係三百零蚊一個月，呢200蚊好好用㗎喇」。但紙再厚也包不住火，芬姐出外打工的大計，因她把制服帶回家洗滌而終被家人發現。幸而，芬姐當肉販的父親亦屬明理之人，「老竇話『你橫豎都係冇心喺屋企㗎喇，出去闖吓啦！』」

難忘逃票乘客扮家屬
七十年代初，本港經濟雖然開始起飛，但每天想盡辦法逃票的乘客仍然不計其數。而最令芬姐印象深刻的是，曾有一名女子假冒家屬登車，「佢一上車就話『家屬』，仲講咗我先生個冧巴(員工號碼)出嚟，我問佢係邊位，佢答我係佢太太，我即刻反問話『咁我係邊個？』」女子見事敗不敢久留，多坐兩個站即下車。芬姐續稱，有乘客更會發動「銀彈攻勢」，「十個人俾一堆斗零你，數得嚟佢哋都落咗車啦！」芬姐急中生智，著司機在迴旋處多轉幾圈，直至乘客付足車資始「放行」。
對付蓄意逃票的乘客，芬姐更是「軟硬兼施」。她稱：「啲紗廠工人成日唔買飛，佢哋三、兩個站就撳鐘落車，我咪(敲鐘)叮叮兩吓(飛站)，送多兩個站俾佢，等佢行番轉頭都好呀………好多(逃票的)人都唔敢再搭我車」。性格正直的芬姐，甚至將一名「喊打喊殺」的逃票乘客，連人帶車載到警署門口，「佢為咗慳5毫子車錢，俾人罰咗成150蚊」。芬姐自此「一夜成名」，被冠上「女殺手」等逃票剋星稱號。
時代進步，人手售票亦被錢箱取代，芬姐驟然失去崗位，獲安排轉職為車務調查員，處理班次等問題，並輾轉調到文職崗位。年屆退休之齡的芬姐，現時雖不用再與逃票乘客鬥智鬥力，但每當看見車廠內的古董巴士，昔日的一幕幕彷彿重現眼前。

入職需默書兼摸到車頂
九巴當年的招聘廣告列明，應徵者需具備中學程度。在夜校僅讀到小學五、六年班的芬姐，為通過學歷審查，一度瞞稱「屋企水浸唔見咗證書」。她又指，當年需即場默寫26個英文字母，確保應徵者有足夠書寫能力，記錄售票情況。同時，應徵者身高須達5呎3吋，即可用手觸碰到車頂，以便乘客下車時可「敲鐘」通知司機。
PermaLink: https://articles.zkiz.com/?id=282632
Next Page
ZKIZ Archives @ 2019