田北俊：商界當CY冇到
1 :
GS(14)@2013-02-19 00:39:04http://hk.apple.nextmedia.com/news/art/20130218/18168975
【本報訊】特首梁振英上任逾半年，仍未獲得商界「歡心」，自由黨榮譽主席田北俊一字一頓，吐出商界主要是針對梁振英「冇．料．到」，幾乎「當佢冇到」。除因梁振英個人經驗不足，也因「叻人」拒與他為伍，以致班底「唔掂」，難怪連市民也質疑：「你咁樣嘅特首，咪只有搵到咁嘅人同你做局長囉！」田少寄語梁振英：「最緊要咪自以為好有料喺度搞搞震。」
記者：許偉賢
梁振英上場後，不時有商界批評梁班子施政，他與商界的關係，遠不如前兩任特首。本身是地產商的田北俊接受訪問時坦言，商界仍對梁振英有戒心：「商界整體嘅睇法，我覺得唔係針對梁振英嘅政策，而係針對佢：冇．料．到。」「佢（梁）所做過嘅嘢，只不過係測量方面嘅嘢，所謂專業範圍好大㗎嘛，從專業角度講，佢都唔係咁多經驗，又冇做過商會主席、金融方面都冇經驗。」
田續稱，商界內遍佈有能力的叻人，「啲叻人梗希望有個叻過佢嘅人做特首」，「佢哋覺得，如果呢個人士都冇乜料嘅，我都睇佢唔起嘅，咪唔支持囉，大致上好多人（商界）都係咁嘅睇法，特別係佢（梁）個班底都唔掂。」
2 :
GS(14)@2013-02-19 00:39:18http://hk.apple.nextmedia.com/news/art/20130218/18168977
【特稿】
屬建制派的自由黨，在去年立法會選舉時主打「良知行動」。該黨於今屆立法會內，不時與政府唱反調，部份立場與泛民主派相近。據了解，自由黨也陸續邀約不同政黨飯敍，堅拒盲目保皇。
做泛民建制派溝通橋樑
過去近四個月，自由黨在立法會內屢屢與建制派立場相左，例如支持泛民主派要求在立法會大會上，就行政會議成員林奮強涉偷步賣樓事宜進行休會辯論；對梁振英的不信任動議，也只投棄權票，而非歸隊投反對票。
田北俊坦言：「我都知道有啲建制派話我哋牆頭草，一時擺吓呢邊、一時擺吓嗰邊。」不過，田北俊強調該黨對事不對人，他說：「我哋唔會呢樣嘢係泛民提出，就一定no（拒絕）佢，亦唔會因建制提出，就一定要yes喎。」田北俊更表示，樂做雙方陣營溝通橋樑。
批梁得力的田北俊，殺入立法會十大議員第四位，田稱該黨會繼續聆聽民意，「好似民意話有人濫用綜援，我哋就跟住提出建議，失業綜援要設兩年期限……嚟抗議嘅團體，比我哋想像中少好多，或者佢哋發覺（建議）出咗街，好多市民都認同，所以唔敢嚟。」
《蘋果》記者
3 :
自動波人(1313)@2013-02-19 17:38:20田少不嬲都唔多喜CY ,而老牌家族都係喜唐氏多些