胡孟青：特首扮上帝？業主墊屍底？
1 :
GS(14)@2012-08-24 11:10:00http://www.sharpdaily.hk/article ... A%E5%B1%8D%E5%BA%95
特首一句唔會為遷就市民購買力壓低樓價，話之你住緊大屋個個月袋緊幾十萬人工仲扮曬感同身受、話自己買唔起樓嘅口口聲聲話會出招降溫，但誰說了算、誰說了的不算，大家最清楚，中資機構最鍾意開會，多會開代表夠日理萬機，懶理開會時只全程玩手機，連口徑都未統一，是急就章拉雜成軍的必然後果，留得低者肯定都係骨子裡好想留低之輩。
全港市民被特首一言驚醒之餘，眼見管治班子雖拍馬都稱不上地主會，卻係個業主會樂園，尤其係星球人與勤奮小強，更係物業王，既然大家都係既得利益者，跟各大小業主坐埋一條船，又點會玩自殘？樓價不創新高才奇怪也。關鍵在於要保住自己揸嘅樓水漲船高，樓下就要有更多人墊屍底，自我感覺就更良好。如財仔廣告歌歌詞句句講明，無論係「幾十年舊樓」抑或係「未補地價嘅居屋」都受。受到廣告啟發，索性搞起埋居屋，一招白表免補地價買二手居屋，變相白表自由行，即時掀起一輪居屋炒風。在一國兩制之下，話知你制定唔制，開發香港新界大東北，美其名搞邊界經濟，實質要連北區樓價都炒到飛天，話之你份人工頂唔頂得住，總之業主大曬，難道對改善社會貧富懸殊的承諾，都已被拋諸腦後？抑或有人在扮上帝，大玩「上帝要你滅亡、必先令你瘋狂」陰招？
胡孟青
獨立股評人