胡孟青：朱義盛內訌始末
1 :
GS(14)@2012-08-22 16:49:53http://www.sharpdaily.hk/article ... C%E5%A7%8B%E6%9C%AB
香港地無奇不有，如牛骨梳間舖水靜鵝飛都可以發曬盈喜，股價更創新高！之不過，隻上市豬肉股就輸死班基金經理，但係肉腸外面條衣、即係隻腸衣股就活得比佢好。
有班衰仔仲話好期待遲啲有夜店上市，皆因可以乘機做嚇公司探訪，大玩公器私用，最好仲可以俾佢哋做埋product testing，嚇！唔係化！夜店最重要嘅資產係囡囡，點做產品測試呢？跟分析員討論過，如果真係要幫公司估值，咁班囡囡即係資產嘅折舊和攤銷，應該分幾多年去計呢？綜合大家嘅答案，應該用兩年，因為資產折舊得太快喎！
行內人對賣人造首飾朱義盛都可以上市，就更加見怪不怪。去年本欄曾經提及的一隻成功締造港交所紀錄、堪稱經典的一隻朱義盛股仔，其紀錄係在短短兩個月之內獲交易所連環譴責兩鑊。今年與其相關新聞，更加係鑊鑊新奇鑊鑊甘。
話說早前公司話主席因要養病所以失蹤了幾個月，誰知最近就話連個主席位都由老婆頂上之餘，呢位仁兄幾十歲人竟然在內地涉嫌運毒，老婆更突然向法庭申請唔俾老公售股。根據小道消息，之前的所謂養病，其實係戒毒，誰知此君毒癮甚深，戒毒不成，更把名牌家當週圍攞去套現，隨時一個唔覺意，連隻上市殼都旁落他人，佢老婆越諗越驚，唯有申請禁制令。
胡孟青
獨立股評人