中門大開：阿牛小心
1 :
GS(14)@2012-08-15 18:48:58http://hk.apple.nextmedia.com/financeestate/art/20120815/16604850
又到保釣時候，所謂民間保釣，同中日外交鬥爭有密切關係。今次保釣成功出港，梁振英出嚟講係警方依法辦事，實在令人失笑。今次本地水警登船後因無法進入駕駛艙便落船放行，擺明係配合中日鬥爭，民間保釣才有角色扮演。
日本對華政策 只硬不軟
如果真係依法辦事，為何09年政府便用不合情理法例阻止出海，包括衞生及不符用途等，有「夾梗嚟」成份，今次又依據乜嘢法例放行呢？講穿係只因當時中日未就釣魚台反面，大家要出手禁止民間去「搞事」。但今次日本石原慎太郎發起出資購入釣魚台，引發中日關係緊張，你做初一我做十五，保釣號才可出發。日本購買釣魚台之建議，北京開初冇乜反應，但石原背後有不少重量級政客支持，駐華大使丹羽宇一郎亦唔知頭唔知碇，竟然公開反對石原，結果立即被召回國好快就冇得撈。
香港人善忘，幾年前內地反日大遊行，全國憤青上街，破壞日本車及食肆，當時之民間反日亦是在官方默許下進行，以對付小泉對華強硬政策，今次民間保釣有呢種味道。香港人保釣，出發點比較簡單，但中日外交博弈，棋局變化莫測，非阿牛等人可以理解。保釣人士向駐港部隊示威，要求解放軍護航，當然睬你有味。
就算保釣船去到附近水域，又再被日本海上保安廳船隻撞擊，中國漁政船及軍艦會否援助，甚或出手阻止？好難講。日本就撞過一次保釣二號，今次一定唔會留手，尤其是日本準備撤換丹羽宇一郎，即係代表改變對華政策，只有硬而不會軟。
釣魚颱風高浪急，也不及政治風浪險惡，阿牛，小心！
添馬男