📖 ZKIZ Archives

富豪少交稅 左丁山

http://hk.apple.nextmedia.com/template/apple_sub/art_main.php?&iss_id=20110922&sec_id=12187389&art_id=15634863&cat_id=255&coln_id=22

英倫銀行一位經濟專家呼籲歐美一齊印銀紙，大搞貨幣寬鬆，以避免歐美走上日本迷失二十年之舊路。講印銀紙，日本難道印得少？過往二十年日本試過不知多少次 刺激經濟方案，連無車輛在上行駛嘅超級公路，拍烏繩嘅偏遠機場都起埋，在基建項目上花費了天文數字，到頭來全無效果。但奇怪嘅係，歐美啲經濟學家，精英教 授如克魯明等等，係要傳播印銀紙哲學，可見得凱因斯學說深入西方民心，成為數十年不衰之主流經濟學。
迷信政府可以解決任何社會經濟問題，係社會主義信徒嘅表徵，經濟唔好，由政府解決；貧富不均，政府之責；人民無錢買屋，政府抵鬧……總之唯政府是問，歐洲人往往有此傾向，美國人幾唔鍾意歐洲方式，但奧巴馬上台後，經濟與社會政策都有向歐洲靠攏趨勢。
史 密夫教授與我地吃飯時，談到一個人之政見，佢話係在成長期受父母家庭之餐枱談話所影響，佢嘅媽媽相信社會主義思想，爸爸附和，所以自細到大佢不停在吃飯時 聽父母講話，不經不覺之間，自己青少年時亦相信嗰套。直至佢教書時，通過實驗，希望推翻一啲微觀經濟學供求理論，點知每年嘅學生都係依理論行事，佢醒覺到 社會主義規條嗰套始終敵不過自由市場，以後成為市場派。
根據史密夫教授嘅觀察，美國金融機構未修補好資產負債表，重整所有債務之前，政府點樣印銀 紙都冇用，祗會漏水咁漏咗去中國及其他新興國家─小市民幫襯 Walmart就表示有更多銀紙流往中國供應商，對刺激美國就業毫無幫助。咁奧巴馬話要向富翁（年薪一百萬美元以上）徵收「畢菲特稅」又如何？一樣唔會有 幫助，真正靠人工花紅之高級中產要俾多啲稅而已，但畢菲特式大富豪不收人工或只係象徵式收人工，佢地主要嘅收入係利息、股息，股票增值，根本可以俾少好多 稅。加稅只會害親高級中產及中小企老闆，畢菲特仍然印印腳咁交 17.4%稅而唔係 35%稅，畢菲特如果真心為國家社會，就每年收幾千萬美元薪水算嘞，唔好收股息啦，捨此而不為兼唱高調，十分虛偽。

PermaLink: https://articles.zkiz.com/?id=27944
Next Page
ZKIZ Archives @ 2019