ZKIZ Archives


商場攻略:寵物攝影+裁縫月賺 4萬

1 : GS(14)@2011-04-30 12:04:05

http://hk.apple.nextmedia.com/template/apple/art_main.php?iss_id=20110429&sec_id=15307&subsec_id=15320&art_id=15209184&cat_id=15041420
從事平面設計的黃韻欣( Wendy)自小養寵物, 8年前開始寵物攝影及度身訂做寵物衣服,單靠網頁,即使沒有街舖,仍能吸引寵物主人光顧,旺季每月賺約 4萬元。
記者:陳皓怡 攝影:程志遠
「嗰陣時市面上好少人幫寵物影相,全港唔多過 5間,好多人都係兼職做。」 Water出世個多月已成為 Wendy的模特兒,由於「工多藝熟」, Wendy其後更幫狗會朋友拍「團體相」,在口碑相傳下,找 Wendy拍照的顧客越來越多。
「之前正職做設計師,都會在外面接工作,因為只可以星期六、日做,如果室外攝影,一日只可能做到兩單,若三、四單都係同一日,就要調到第二日。」見到眼前商機, Wendy逐由兼職轉為全職,客人一般消費由 1000至 2000元,旺季每月可賺 3.8萬元(見表)。



影婚紗相遭惡八哥噬


Wendy說,接第一單生意時情況頗為狼狽,「嗰次太多狗,幾難控制住牠們唔好周圍郁,又怕佢哋周圍去廁所。」至於最難忘經歷,莫過於被狗襲擊,「客人想同隻狗一齊影婚紗相,我唔知隻狗有冇攻擊性,本身隻八哥都係自己周圍走,當我輕輕幫個客撥一撥頭髮,隻狗以為我攻擊佢主人,所以就噬埋嚟。」
除了為寵物拍照, Wendy亦會為愛犬扮靚,但市面上大部份都是小型狗隻的衣飾,大型狗隻的衣飾選擇有限,「當時想買件雨褸畀佢,上寵物店買唔到佢嘅 size,咁啱有朋友幫人做禮服,我就問可唔可以幫我隻狗做。」

度身訂做戰衣拓客源



效果理想,除了令 Water增添不同款式的「戰衣」,其他狗主朋友亦爭相查詢。引發 Wendy將生意擴展至訂做寵物衣飾,「可能市場覺得細狗先會怕凍,所以只有畀細狗着嘅衫,大狗嘅衫就好少,度身訂做就更加少。」現時不只大狗,小至芝娃娃都有客人要求度身訂做。
寵物攝影客源由草根到中上層,不過度身訂做寵物衣服則主要是中產客,因為每件寵物衫約 400元,「有個客人屋企可能有幾隻狗,間中會一訂 5、 6件,都係同一款,有時唔同款,講低個尺寸做起就叫個工人嚟拎。」現時有很多主人結婚時希望為寵物訂做禮服、婚紗,與牠們合照,佔現時寵物衣服的生意額八成。

上門度身增競爭力
放大圖片


寵物生意夏天一般是淡季,每月營業額約 2萬元,「呢啲唔係必需品,試過金融海後嗰個夏天,消費力好差,夾埋攝影同寵物衫,一個月先做到 5單生意。」開業初期,為擴闊客源, Wendy試過不同推廣方法,「試過畀幾千蚊喺網上搜尋器落廣告,但成效唔大,況且自己網頁累積一定點擊率會排得前啲,佢哋都搵到我。」
生意靠口碑,可以透過網頁吸納新客,她亦不時在狗展設攤位。開業 8年,市場上寵物攝影越來越多,競爭越來越大,為增強競爭力,故提供上門度身服務,「客人帶隻狗出嚟度,其實係一件幾麻煩嘅事。」為寵物度身後,就到處搜集布料,縫製一件件寵物「戰衣」。
2 : idsdown(1658)@2011-05-02 16:36:18

呢種行業真係好睇經濟環境.

好景時寵物多過流浪猫, 唔好景時調轉
3 : greatsoup38(830)@2011-05-02 16:55:24

小朋友都是一樣...

http://realforum.zkiz.com/thread.php?tid=8695

BB影樓起家

Life Studio前身MyBB.hk,早在○四年已經成立,「那時將為人父,好想為自己的BB拍下整個成長記錄,留下美好回憶。」有廿年業餘攝影經驗的 Gordon發現身邊很多朋友也有共同需求,但帶BB到影樓拍菲林照,動不動近萬元,令人咋舌,於是就萌生開檔念頭,標榜以數碼相機拍攝BB。「當年只有三數間同類影樓,旺季如暑假每月最多有八十枱客,生意額逾十萬元,淨袋都有三萬。」但自○五年起市場普及,對手激增,分薄了生意。為應對競爭,MyBB.hk曾經推出「全港最平」的標語作招徠,三百八十元套餐可選二十張相,三款造型,但計過數低於五百元根本無錢賺,Gordon唯有將最低套餐價提高至四百八十元,另加二百元可取回所有相片檔案。「每單只賺一成利潤,希望薄利多銷,但始終敵不過那些二、三百元的影樓。」

用免租期試場

此時,他察覺到市場亦起了變化,「○四年客人肯花逾千元拍一輯相,但後來客人則傾向每次花數百元,寧願每年拍二、三次去試不同影樓。」不願鬥平,又眼見嬰兒影樓少有回頭客,於是Gordon在○六年決定轉型,專攻家庭照市場,生意稍有好轉,直至去年底正式進駐EMAX。
商場 攻略 寵物 攝影 裁縫 月賺
PermaLink: https://articles.zkiz.com/?id=274158

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019