奮鬥廿三年 倉務員變身補鞋王
1 :
GS(14)@2011-02-06 19:34:192004-11-18 NM
修寶鞋藝（The Groom），自八十年代初就進駐地鐵站，在中環、金鐘、尖沙咀等商業區共有九間分店，是全港最大的連鎖式補鞋店，吸引不少白領幫襯。而開業廿多年的萬邦行分店，更是名人闊太的御用補鞋鋪，連何厚鏵母親陳琼、立法會議員余若薇和賭王四姨太梁安琪都是熟客仔。修寶鞋藝的老闆馮興祥，原來廿幾年前在公司內只不過是倉務員一名，三年前向九龍建業買下這盤被視為雞肋的補鞋生意，由打工仔搖身一變成為老闆，把多年來累積的補鞋經驗注入公司內，成功把修寶鞋藝轉虧為盈，成為新一代補鞋王。中午食飯時間，中環萬邦行的修寶鞋藝，坐滿了白領換鞋踭、替新鞋打前掌防滑、或等候配匙補袋。店內放滿名牌皮具，兩、三千元一對的 MiuMiu、Celine高踭鞋；四、五千元的Manolo Blahnik、Sergio Ross皮鞋；甚至六、七千元的Prada長靴，應有盡有，就連Chanel、Gucci和LV手袋亦有好幾個，恍如一個名牌大賣場。「香港經濟轉好，而家啲客閒閒哋買對鞋幾千蚊，用七、八十蚊加個鞋底好平常，鬼佬就更講究，用五百蚊加對牛皮製的前、後掌都面不改容！」做了廿多年的補鞋師傅阿明說。修寶鞋藝的收費，比街邊略貴，換一對斗零踭要三十八元，比中環戲院里的街邊檔補鞋鋪貴三元；男裝鞋加上皮製全掌更要五百元，比坊間的三百二十元貴三成多，卻吸引到一批識貨客人。修寶鞋藝用的全是歐洲鞋料，小至一粒斗零踭，用的也是德國或意大利貨，比街邊用的大陸和台灣貨，貴三、四成；另外代理的法國Topy鞋料，價錢也比大陸貨貴十幾倍。修寶鞋藝經常有名人闊太幫襯，特別是中環的萬邦行分店，就最星光熠熠，藝員薛家燕、狄波拉、萬梓良及立法會議員周梁淑怡、余若薇等都幫襯過。澳門特首何厚鏵母親陳琼，更是幫襯了十幾年的熟客仔。「她一買了新鞋就會拿來加前掌防跣，雖已八十幾歲，仍最愛穿Ferragamo的鞋，貪鞋形舒服。」店內的補鞋師傅說。
四太買百對鞋墊而賭王何鴻燊四姨太，經常陪燊哥跳舞，為免腳痛，至愛買修寶鞋藝的鞋墊。「她有次派人來買鞋墊，一買就一百對，合共三千八百蚊，因為她家有過百對鞋！」修寶鞋藝的老闆，是四十五歲的馮興祥，他穿上Polo恤衫、西褲及擦得光亮亮的意大利皮鞋，一副老闆格，不過以前他在公司由倉務員做起，三年前才榮升為老闆。現時公司門市生意每月約有一百萬，加上批發鞋料和皮鞋護理用品約有五十萬生意，每月營業額就高達一百五十萬，扣除租金、人工等成本，每月賺二、三十萬。每日他由早上十點開始，到各分店巡視，由接單、收錢、招呼客人到落手落腳補鞋，一直做到十點才收鋪。到了星期六，又會親自跑到深水埗等地方，為客人的手袋和鞋找配料，小至一個釦，一個鞋踭，他都會跑足幾條街去找。七七年中五畢業後，他做過三份工作，都是從倉務員做起，由於做事勤快和不怕蝕底，短時間內便能升任主管或經理。「中五畢業後，我曾在一間玩具廠做暑期工裝嵌玩具。當時負責前面程序的人都未搞掂，流水線上的玩具已經被我砌好晒。結果管工話：『唔好做咁快啦，前面的人跟唔上，咁好肉酸㗎！』」
肯蝕底的打工仔會考放榜後，因成績不理想未能升學，他被玩具廠主管召回當貨倉文員，一年後，便升做貨倉主管。玩具廠執笠後，他就過檔有五間門市的時裝店做倉務員，同樣於一年時間內，便升為店務經理，人工由千幾加至二千元。「做倉務時，理貨都自己搞掂，唔使工廠阿姐幫，有時仲幫手喺時裝店睇埋鋪。有刋人可能會話：『喂我管倉咋，睇鋪唔關我事！』但我覺得打工仔唔好斤斤計較。」當時他獲老闆欣賞，一年的花紅有一萬元，相當於他五個月的人工。「全公司只得我一人有花紅分，連老闆親戚都冇呀。」馮興祥說。八一年，馮興祥為了嘗試新的工作，到修寶鞋藝做千多元月薪的倉務員。「一年後，有個店經理離職，由於我以前喺時裝店做過店務經理，老闆林生就叫我頂佢個位。」這位林先生，就是七九年創立修寶鞋藝的林少強，地鐵通車時，他更將補鞋店引入地鐵的商鋪。
獲老闆重用八十年代初，地鐵恐防補鞋機產生火花，會造成危險，修寶鞋藝在地鐵以另一品牌——「路易叔叔」（Mr. Louie）經營的店鋪，只能作為一個接收點，鞋要拿到地面的分店去補。幾年後，經向地鐵爭取到安裝機器，生意就越來越多。當時的老闆林少強一方面擴張香港的分店，一方面亦代理德國造鞋及補鞋機，賣到東南亞和大陸，馮興祥就一直跟在老闆身邊。阿明說：「馮興祥經常跟林生周圍見客，做到晚上十二點都冇怨言。佢又好知老闆心意，老細話張海報貼歪了，未講完應該點做，佢已經動手去貼番好。」馮興祥說：「以前老闆做到下午三、四點都唔食飯，我就陪佢唔食，佢要伙記每個月跟佢返大陸，其他人覺得北上咪搞，我就當係老闆俾機會我去見識。」對於這個伙記，舊老闆林少強說：「佢為人好誠懇，又進取，成日陪我去地鐵開會，長時間工作都無怨言，好少後生仔咁抵得諗。」
接手執爛攤九五年林少強專注發展大陸的造鞋機代理生意，索性把旗下六間補鞋店，售予九龍建業，自己只保留兩成股份。然而，九龍建業接手的六年內，一共虧損過千萬。「上市公司人事複雜，事事要呈報，產品和貨源又接不上潮流，例如夏天興白色鞋水，都要經九建管理層批准才入貨，批得來都過晒氣。」馮興祥說。九七年金融風暴後，在經濟不景氣下，買貴鞋的人更少，分店由六間漸漸縮至四間。九龍建業在連年蝕錢下，對這盤補鞋生意亦意興闌珊。○一年，九建賣盤予澳門商人柯為湘前，將旗下不少業務轉售套現，馮興祥遂主動向九建執行董事劉少賢，提出收購修寶鞋藝的四間商場店，本想結束此業務的九建亦樂於有人接手，雙方以優惠價約一百萬元成交，更可分期付款。
親自操刀搞改革他先於人流旺盛的中環、金鐘和佐敦地鐵站開店，再慢慢擴展至鑽石山荷里活廣場、銅鑼灣怡和街，和最近的尖沙咀東鐵站。接手頭半年，他一星期返足七日工，讓自己直接面對客人。「我要經常行鞋店和睇時裝雜誌，又要時時跟歐洲的供應商聯繫，了解來年法國、意大利等歐洲鞋款興什麼顏色，方便入貨。」如今店內的鞋油，就有四十多種顏色。清潔皮鞋，或沙發的皮革用品、為雞眼、腳臭而設的鞋墊和噴霧都有。馮興祥明白到有經驗的補鞋師傅最能留住熟客，而每間分店必定有一名老經驗師傅坐陣，而另外的學徒必須學師一年，經馮興祥親自考核合格，才可升為師傅。為了令員工更賣力為公司工作，便在底薪以外，另加佣金。「一般補鞋店以幾千蚊月薪請人，師傅唔會為公司賣力，我喺底薪以外，另外俾營業額的幾個巴仙作佣金，每個師傅平均月入萬幾。」這位由銅鑼灣舊唐樓，住到中半山豪宅的補鞋店老闆，現時業務愈做愈大，數月前馮興祥的太太，亦辭掉了原本的秘書工作，榮升為老闆娘，專心替公司理數。