中環在線：中煤董事長有秘密任務 李華華
2008-10-20 AppleDaily
中 煤（1898）出咗通告，董事長經天亮同執行副總裁彭毅，一齊唔撈，不過大家放心，兩人唔係「出事」，只係阿爺有新任務畀佢哋啫。根據通告，兩人會辭去喺 中煤嘅一切職務，經天亮唔再係董事長、執董、董事會戰略規劃委員會主席兼提名委員會委員。原因係「國務院國資委安排工作變動」，董事長個位暫時由副董事長 張寶山頂住，直至搵到人坐呢個位為止。
至於彭毅，亦同時辭任董事同首席財務官職務，原因係「獲中煤集團新委任」。咁新任務係乜？彭毅就話大股東有新委任畀 佢。佢喺煤炭呢行經驗豐富，最叻企業管理、資本運作同財務管理。咁經天亮呢？暫時仲係國家機密，唔公佈得住，不過應該都離唔開煤炭呢行，事關60歲出頭嘅 經天亮喺呢行有超過40年經驗，係煤炭工業人才。 |