ZKIZ Archives


公立大學漸莫財 左丁山


2011-7-17  AD





 

歐洲大學絕大部 份係國有教育機構,資源由中央政府自預算劃撥,政府有錢時,大學唔怕冇錢,但好似o依家咁樣,希臘、愛爾蘭、西班牙、葡萄牙、意大利等國家財赤問題不斷浮 現,英國叫做好啲,其實莫財到極,最重要嘅退休福利、醫療福利都要削減,大學經費豈會唔「咳咳咳」吖!Cut完大學經費,仲要增加學費o忝,故此不少大學 生上街示威,抗議,美國加州大學柏克萊分校亦是如此。但現實就係現實,政府冇錢叫窮噃,公立大學嗌破喉嚨,都係攞唔到公家錢嘅啦,想要求存嘅話,唯有向私 人籌款,但立即俾左翼學者學生指責為「大學教育商業化」,德國法國曾有設立私立大學之議,講吓啫,都俾學生鬧到暈。歐洲學生視私立大學如瘟疫,但美國最好 最精英嘅大學就係私立大學,以哈佛、耶魯、普林斯頓、史丹福等等最廣為人知。私立大學點解咁巴閉?第一個公開秘密就係有錢,每年籌款不斷,成立留本基金去 投資,錢賺錢,不斷累積,大學有錢就有資源搞尖端科研,與支持長期花費嘅基礎研究、人文社會科學研究。第二樣就係不受政府支配,自行收生,不會為招生而招 生,例如史丹福只得四千學生,而州立UCLA就有四萬學生,淨係睇學生數目,就知道史丹福學生見教授嘅機會大好多。

但州立大學有其用途,就 係擴大平等接受高等教育嘅機會,私立大學嘅目標就係訓練精英。美國私立州立大學相輔相成,而二十世紀全力向前衝,好快就勝過歐洲啲公立大學,科研成就超越 舊世界。到咗廿一世紀,歐洲公立大學制度受傳統及財政缺乏嘅影響,好教授不斷橫越大西洋去美國,好難與世界競爭。

 

喺亞洲除 咗日本之外,似乎冇乜名牌私立大學,基本上全部係公立嘅,好彩亞洲近四十年來不斷增長,公共財政仍可支撐公立大學嘅發展與成長,最佳例子莫如新加坡,但一 旦亞洲經濟步入頗成熟階段,會唔會步歐洲後塵呢?香港在2000、2003年之時,政府面對財赤,咪一樣削減大學撥款,令大學盡力緊縮!香港現在開始有私 立大學嘞,向美國式趨前一小步,係好事啫。


公立 大學 漸莫 莫財 左丁 丁山
PermaLink: https://articles.zkiz.com/?id=26272

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019