|
||||||
|
環球股市大波動，有共同因素，有個別經濟體系嘅疲弱數據因素。哥倫比亞大學教授、末日博士魯賓尼話：（一）中國通脹，經濟放緩，（二）日本停滯，（三）美國高失業率，（四）歐盟為債務煩惱，特別係希臘問題。此四大弱點同時滙聚一起，就會產生一個「完美風暴」，肆虐全球。 完 美風暴是否正在形成，見仁見智，表面證據就有齊，尤其是希臘債務危機，沒完沒了，德國選民對拯救希臘老大不願，IMF拯救希臘嘅努力就無端端俾總裁史特勞 斯．康恩之強暴案件干擾，康恩被逼辭職，法國女財長急欲謀其位，但仲未得到新興國家支持，未必一定贏，於是IMF嘅高層今日唔知聽日事，拯救希臘喎，點知 新總裁有乜意見呀，法國女財長與墨西哥央行總裁梗係有文化差異嘅啦。況且希臘人民羣起上街示威抗議政府緊縮政策，工會搞大罷工，政府內閣要重組，亂作一 團，令國際社會都唔知搵邊個先至啱。IMF與德國要希臘大力削減赤字，賣國營企業，國有資產私有化（即係話賣俾外國財團），一啲希臘人視之為喪權辱國，被 逼與列強簽署不平等條約。 CNN訪問一位街頭示威者、二十三歲嘅建築系大學生，問佢點解上街，佢話：「大力削減公共開支即係停晒所有公共工 程，以後冇晒工作，讀建築學變得毫無意義！」希臘以前靠借債度日嚟支持公共開支，提供大量社會福利與退休福利，企業泡沫爆破，對年青人最有害！一啲老年人 與中年人早已「上岸」，以後經濟停頓不前，反而有利於佢地去「執平貨」，趁低吸納。但年青八十後點算好？冇晒基建嘅話，八十後希臘建築師、工程師會失業十 年，對人生失晒希望，故此參加騷動洩憤。 左丁山並非係「基建論」，但一啲基建對下一個世代有利，我地應該支持，否則年青人會覺得冇前途。有 讀者（八十後）來電郵痛駡左丁山死攬住舊一套，不明白新世代之真正需要。或者係嘅，畢竟大家年齡有差別，但有一樣嘢好明顯，機場第三條跑道，港穗高鐵、港 珠澳大橋等等，起唔起對左丁山一輩毫不相干，建成後，最大嘅受益人其實係今天之三十歲世代。 |
||||||