|
||||||
|
互信，建基於溝通、和諧，先至可以生財！8號仔大小股東o依家應該好明白箇中真諦！ 電盈（008）想分拆電訊業務上市呢單刁，可謂峯迴路轉！喺電盈小股東大聯盟對單刁充滿疑問兼要求見港交所同電盈高層、電盈又出statement話聯盟嘅言論有誹謗之嫌後，噚日電盈主席「小小超」李澤楷親自接見咗聯盟核心成員陳仲翔，可謂歷史性破冰交流！ 由翔仔提供嘅相睇到，8號仔CFO許漢卿（背向鏡頭女子）陪住主子Richard接見翔仔，而會面現場，係無乜人有機會上到去嘅盈科拓展總部嘅會議室，所以絕對係高規格接見o架！ 翔仔：Richard原來幾靚仔 翔仔話，呢40分鐘愉快嘅會面，令佢對Richard完全改觀兼好感動！首先，佢從無諗過Richard會親自接見自己，而毫無架子嘅Richard同佢握手嗰陣嘅力度，令佢完全feel到嗰份誠意；再者，佢發現咁近距離望，Richard原來幾靚仔！ 除 咗呢啲個人感覺，翔仔話，Richard拎埋計數機計條數俾佢睇，仲講咗8號仔嘅藍圖俾佢聽，佢家陣好希望Richard繼續做8號仔主席，繼續帶領公司 向前走……咁之前雙方紮行馬嘅問題又點呢？Well，根據聯盟發嘅新聞稿，電盈澄清從無意圖干預言論自由，直至目前為止，都無向任何小股東發出律師信或提 出法律訴訟，而電盈亦同意積極考慮聽日股東會後安排同聯盟代表會面；至於聯盟提出電盈打算保留電訊業務過半股權幾耐嘅問題，電盈稍後會向全體股東交代，而 Richard重申今次分拆方案對整體股東有利。 40分鐘化腐朽為神奇，Richard果然係高手！ 李華華 |
||||||