美國經濟唔好，美元唔係好強，有利股市反彈。美股早段下滑，美國最新公布首次申領失業金人數及GDP增長預期，表明美國經濟增長持續放緩，國基會（IMF）表示可能唔再借錢畀希臘，令市場對歐債危機的憂慮升溫，皆影響早段市況。不過，在強勁的企業財報以及要求微軟CEO下台的呼聲推動下，美股午後止跌回揚，但臨收市最度回順。杜指最終升8點, 報12403點,標普500指數漲5點, 造1326點。杜指期貨最新報12407點，較現貨高水4點。
港股美國預托證券偏軟，ADR港股比例指數報22864點，比香港收市低37點或0.2%。匯控收79.82元，比香港收市低0.4%，中移動收69.92元，比香港高0.2%。
美國最近一周的首次申領失業救濟人數出人意料地上升1萬人至42.4萬，差過市場預期。首次申領失業救濟人數已經係連續第7周突破40萬人，反映就業市場仍未有改善。
與此同時，美國政府發布的第一季度GDP增長修正維持月前公佈的1.8%，低過市場預期的上調2.1%，反映政府對經濟增長速度較前悲觀。政府沒有如市場預期的向上修正GDP增長的原因係當季企業稅前利潤下跌0.9%，遠差過市場預期增長2.3%，亦明顯不及去年第四季度的增長3.3%。有分析指美國經濟增長放慢，不僅係零售狀況欠佳，日本大地震導致的供應鏈中斷，亦衝擊了汽車業生産，預計疲軟的情況將持續到今年二季度初。
此外，歐元集團主席容克(Jean-Claude Juncker) 表示，因為希臘缺乏再融資保證，國際貨幣基金組織(IMF)可能將在下個月停止向希臘提供救援資金。容克的講話令股市受壓，分析指這是容克出口術逼希臘政府加快推行滅赤行動。不過，希臘政府新的緊縮計劃遭到了國內部分人士強烈反對。希臘政府正兩面受敵，好難搞也。
支撐美股的主要係奢侈品零售巨頭蒂芙尼(Tiffany’s) 公布強勁的季度盈利報告，增長25%，高過市場預期，該公司還上調了全年盈利目標。值得注意的是，該公司的日本營收在3月份的地震和海嘯之後迅速恢復。蒂芙尼有大約四分之一的店面位於日本。該公司在日本的營收增長7%，至1.23億美元，同店銷售額下降3%。蒂芙尼表示，所有因地震而關閉的店面均已重開。
總括而言，昨日影響大市的還是美國經濟走軟的大勢，市場交易員又開始討論一樣№:QE3(第三輪量化寬鬆)，若經濟繼續軟，聯儲局會唔會被逼出QE3呢? 這成為交易員憧憬的來源。
昨日論價值投資，昨天講到價值投資第一要公司有賺錢能力，特別係令中長線現金收入不斷增長的能力，第二要股價便宜，二者缺一不可。散戶唔易代入公司管理人的角色，代入營運一盤生意的角度去睇問題，但睇股價較易，睇現價的歷史市盈率(以去年盈利計)，估計市盈率(以今年年結估計盈利計)，若估計市盈率是13、14倍或以下，市盈率就較平，愈近年底，業績數據愈多，愈易估到今年的估計市盈率。昨日講的中國無線，去年10月約在3.7元左右起步大炒，起步價的09年歷市市盈率35倍，以2010年估計盈利計的預測市盈率17.4倍，起步價已經係較高的市盈率，所以即使估計公司未來有好強的賺錢強力，都唔可以話佢股價平。
提問的網友Sohoboy昨日再回應話:「陸sir講得好好, 我都對P/E太高的股票好有戒心。你話『(中國無線高位5.8元)以09年盈利計市盈率54倍，以當時估計去年盈利計市盈率27倍，可以話係好高的數字』, 不過當時有人一味唱好, 覺得2011年市盈率可以降到14倍。以下係高盛係2010年12月的報告:『高盛上調中國無線2011/12年每股盈測19%/11%，目標價由4.8元調高至6.1元，即2011年市賬率升至6.4倍，市盈率14倍，評級重申「買入」，相信各樣數據支持樂觀看法，受惠營運商加大推動3G服務，內地OEM不斷上升。』
「高盛報告指，『中國10月份3G手機銷量首次超過500萬部，按月升12%，中國無線市場份額20.5%居首；並取得中移動600萬部TD-SCDMA手機訂單，以及首部旗艦Android N930智能手機面世』。佢話(中國無線)市場份額居首, 又點樣受惠云云, 講左一大堆野點好點好,如果參考佢地的分析去信基本因素冇變真係死得。不過高盛係兩個月後, 即2011年2月再出報告,指出『平均售價及毛利率大幅收窄』，高盛將中國無線評級，由『買入』降至『中性』，『2010-2012年每股盈利預測，下調5%-30%，至0.26元、0.3元及0.35元，因較高付運，但較低平均售會及毛利率。目標價由6.1元，下調至3.9元。該行相信，中國無線今年產量強勁增長，以及規模擴充，可能不足以抵銷平均售價及毛利率大幅收窄。該行相信中國無線今年平均售價下跌27%，不過近期股價下跌，已假設其今年盈利無長，再跌空間有限。』」
我地先假設高盛並無存心歪曲中國無線的狀況，佢在去年睇好中國無線，的確基於中國無線的生意增長和市場份額突出，而作出買入建議，但其後年結過後，業績未公布時，才得知中國無線的基本因素變壞，所以才有12月睇好調高預測，2月就轉淡調低預測的尷尬行為。結果中國無線在3月公布的2010年每股盈利只有0.21元，比高盛估計的0.26元還要低，隻股的實際情況比高盛估計的還要差，所以敗象畢呈，高盛話「再跌空間有限」的前題也不存在。
叫散戶去睇一間公司的生意，叫佢地去計公司盤數，的確是高難動作，而大證券行有高學歷、好專業兼且可以同公司對話的分析員，佢地睇公司盤數當然係準好多，可以話如果大行都睇錯，散戶更加唔可能睇飱。
不過又可以咁講，你信哂高盛，都唔會死得好慘，因為佢在今年2月中出報告話中國無線唔掂，隻股由4.4元開始急插，你識得馬上走，我估在4元左右都沽到，唔使等到今年得1.95元。
以中國無線的個案，唔講計數，睇股價走勢都睇到鱓危險訊號，佢在年12月頭升到高位5.8元，跟住好快回落，落得好急，到12月中後已跌穿5元，跌穿了上升軌，如果你買呢隻股定鰦10%止蝕，甚至開頭無定止蝕，到佢穿上升軌再俾10%佢，再跌10%才止蝕，都可以在4.5元左右止到蝕，佢的走勢基本上是完美下墮，無大反彈只有小反彈，一直跌，所以止蝕位可以救到命。
講 番基本分析，我會用走勢配合基本分析去睇，一隻股跌穿上升軌，一定有好多人出貨，到底出貨人是乜№人，佢地會唔會知道一鱓普通人唔知的負面消息，所以我獱 一隻股如果跌穿上升軌，而且跌得急兼無大反彈的話，我一定會天天去查佢有乜消息，包括佢自己及佢行業的消息，睇纒有無負面消息可以解釋到下跌原因，若有唔 對路，我會止蝕，或者起碼減掉一半投入的金額，以減少可能的損失。
陸羽仁