ZKIZ Archives


港產Online Game之父施仁毅

2008-4-3  NM




互聯網威力無遠弗屆,更衍生不少商機,其中年輕人熱愛的網上遊戲,去年在香港的生意額高達四億元。現年四十二歲的施仁毅,是本港最大網上遊戲公司智傲(Gameone)的掌舵人,他睇準以往電腦遊戲盜版問題嚴重,搶先飲頭啖湯,推出首隻土炮網上遊戲《古龍群俠傳》,賣個滿堂紅。

經歷過科網爆破、公司過度擴張險至執笠的他,明白要迎合年輕人口味,才可令生意激增,於是開發古惑仔遊戲,又從韓國引入令o靚妹瘋狂的《勁舞團》,甚至沾手製作任天堂的NDS及Wii遊戲翻身。

作為遊戲公司老闆,施仁毅的辦公室沒有任何遊戲機,相反卻放有多間科技公司如阿里巴巴的招股書,「五十歲前,我希望將公司上市,而家睇定啲成功例子,到時人哋問嘢起碼識答。」他笑笑口說。

施仁毅近期沾手NDS遊戲開發,屬初哥的他,談起任天堂的歷年發展亦有紋有路,更已全盤計劃預備大肆進軍歐美,「決心做一件事,我會認真研究,上網又好、睇書又好。唔識?咪學囉!」

○ 二年,Gameone製作首隻本地網上遊戲《古龍群俠傳》,由於採用家傳戶曉的古龍小說作藍本,重金搵來Twins做代言人,結果輕易令遊戲成功入屋,玩 家人數由兩萬急升至十五萬。「搵Twins時,係佢哋最紅嘅時間,引起到話題,自然吸引年輕人注意。」結果遊戲賣到盆滿鉢滿,首年已勁賺四千萬,令他成為 本港網上遊戲業的鼻祖。○四年他更創立中國遊戲工作委員會香港聯會,出任召集人,難怪年初智傲舉行的團年晚宴,不少行家如Gamania、Capcon及 Sony等的高層都俾面出席,甚至漫畫及小說界的巨頭黃玉郎及倪匡亦是座上客。

古惑仔踩場

《古龍》遊戲收得,令施仁毅再接再 厲製作打鬥遊戲,不過今次是現代的《古惑仔》系列。該遊戲以香港做背景,並有漫畫角色撐腰,儘管被評為只適合十八歲以上人士,一樣大受歡迎。到推出第二集 《古惑仔之義》時,首十萬張點數卡於一星期內沽清;粉絲中更不乏正牌古惑仔,當年曾有十餘個紋身漢找上門,不滿賬戶及武器被其他玩家竊取,要求 Gameone即時跟進,令現場氣氛既緊張又惹笑。

遊戲大受歡迎,施仁毅為進一步了解客戶心態,遂開始聘請玩家做員工,中五畢業的阿Man,於大半年前被聘做客戶服務工作,「玩家本身鍾意遊戲、了解市場,學歷高低反而唔重要。」施仁毅說,他們公司的團年飯,更會請資深玩家一起出席。

正當遊戲開發進行得如火如荼,施仁毅卻選擇兩條腿走路,兼營代理海外遊戲。「原創遊戲利潤係高,但製作成本始終要五百萬至一千萬,製作時間最少一年,唔賣得咪好大鑊?代理成功產品,起碼維持到公司有穩健收入,先有機會繼續創作。」他頓時想起多年前成立Gameone的慘痛經歷,說時不禁搖頭嘆息。

基金入股更濕滯

漫畫出身的他,二十一歲已自資開設漫畫分色公司,其間創辦遊戲雜誌《PC Game Weekly》,「有次做採訪,識咗做電腦遊戲開發嘅淘滿慈,傾落覺得呢行有好大發展潛力,於是將雜誌同佢公司合併,創立Gameone。」公司的創業作是以光碟形式發售的《叮噹大富翁》,由於角色受港人愛戴,產品一炮而紅。

適逢○○年全球掀起科網熱潮,智傲惹來創業基金公司垂青,甜言蜜語游說他們搞上市。「公司開咗無耐,竟然有銀行話估值十億,起初我唔敢相信,但大圍氣氛影響下,我都希望搞掂上到市,於是放晒手俾佢哋搞囉。」

奈何基金接手後,一味替公司請人擴大規模,員工人數由三十多人,激增至逾百名,導致營運開支劇增。再加上後來因盜版猖獗,令光碟遊戲嚴重滯銷,公司一度入不敷支。「科網爆破,基金蝕咗幾千萬決定撤退,成間公司好混亂無晒方向;我狠心炒咗好多人,周圍搵人入股。老婆連金器都攞埋出嚟賣,雖然實際未必幫到手,但精神上好支持我。」此後他時刻提醒自己,公司流動現金必須維持有五百萬元,「我要保障同事,萬一聽日執笠,都夠錢出糧俾佢哋。」

其間即使有多個白武士願意救亡,惟施仁毅僅答應了在亞太區經營商務酒店的JIA集團入股,「佢哋管理層較年輕,溝通會容易啲。佢哋初時都有派人入嚟管理,睇咗三個月,就好放心俾我哋自己做番。」

《勁舞團》搶攻女性市場

經 此一役,施仁毅領悟到作為老闆,必須時刻保持危機感,遂開始以遊戲代理生意來平衡風險。但他坦言,決定走代理的路代價極大,拍檔淘滿慈因堅持搞原創,最終 意見不合拆夥。此外,初期搞代理亦付了不少學費,「第一隻代理嘅遊戲《天方夜譚》,因為同廠家太熟,無做市場調查,結果唔受歡迎,蝕咗兩百萬。」

○ 六年,施仁毅吼準悠閒類遊戲市場出現真空,代理韓國音樂遊戲《勁舞團》,結果深受女性玩家歡迎,打破玩家以男性為主的悶局。「呢隻遊戲男女比例各半,平時 啲遊戲大約九比一。推出兩年收兩千萬,而家每月付費玩家平均有四萬人。」這遊戲的好玩之處,在於可為角色更換不同裝扮,跳舞音樂亦轉用本地熱播的流行曲, 令香港玩家更投入。

但講到搵錢細水長流,施仁毅表示始終是男性主流的武打類別,去年Gameone揮低八間台灣遊戲公司, 取得內地搜狐遊戲《天龍八部》的港澳代理權,「武俠類受歡迎係不變嘅定律,《古龍》舊咗,都想搵番一隻代替,最終簽咗《天龍八部》,佢係搜狐舊年最賺錢嘅 遊戲。」搜狐遊戲營運部營銷總監陳德文,對施仁毅讚不絕口,「談代理權時,施先生帶同太太親自來到北京,感覺到他做事的細心及誠意。」相反其他台灣公司,只是派職員前來洽談,因此感動了搜狐將代理權交給施仁毅。

平價開發NDS

努力經營下,智傲去年盈利接近一千萬。一向多搞作的他,又開始為公司搞新意思,但亦不忘堅守「風險管理」,即使要搏,亦只揀風險較低的項目。

去年中,他取得任天堂遊戲的開發權,主攻歐美市場,希望以較低的成本為智傲開闢另一條創作之路。「同事話想做多啲新嘢,我就傾個NDS返嚟。製作成本一百萬左右,就算唔掂,輸一半都唔使死,俾到同事創作空間之餘,壓力細好多。」

施仁毅檔案

1978福建移民來港

1982加入玉皇朝出版集團,從事漫畫分色

1986-1999開設漫畫分色公司 、98年兼辦電腦遊戲雜誌《PC Game Weekly》、《Player Online 》

2000創辦Gameone

2004創立中國遊戲工作委員會香港聯會


PermaLink: https://articles.zkiz.com/?id=24628

Next Page

ZKIZ Archives @ 2019