2011-4-26 AD
今年初首次打入《福布斯》香港富豪榜十大嘅「鞋王」鄧耀（圖），日前因中風入院。百麗（1880）噚晚出通告報平安，話現年76歲嘅鞋王，目前情況穩定，有信心會逐漸康復。不過，鞋王暫時應該會多留喺屋企休養，所以平日揹起集團日常營運嘅CEO盛百椒，獲委任做代理主席。
雖然鞋王年紀唔細，但睇落身體一向唔錯，起碼年年百麗業績，佢都例牌現身，以「精神領袖」身份發言。
記 得幾年前，鄧耀開始減持百麗，當時市場估鞋王係咪部署退休。當時佢笑笑口同華華講：「我咁多年經驗，仲專業過啲管理層喎！我又唔算好老，仲做得！」親證退 下火線傳聞屬流料。其實，百麗中人同華華講，鞋王近年主要只係負責整體策劃，日常管理早已交晒棒。喺百麗做咗廿年嘅盛百椒當然係膽，鞋王3名仔女亦早已上 晒位，阿仔鄧敬來係百麗執行董事，女兒鄧明慧就喺公司負責人力資源同財務管理，另一個女鄧穎思，擔任STACCATO董事總經理。