2011-3-10 AD
|
||||||
|
新世界發展 （017）大股東鄭裕彤嘅女婿杜惠愷，09年大嗱嗱用咗3億人仔入主A股＊ST星美，當時市場已經流傳話係佢想同新世界分道揚鑣，全力發展私人業務。喺大 家仲等緊杜生呢次隔山買殼嘅雄心會唔會有收穫時，＊ST星美就「爭氣」咁以超高嘅資產負債率，喺內地咁多上市公司中，豪取咗個「三連冠」返嚟。 收入只得55萬 話 說噚日有內地報章做咗個統計，＊ST星美喺08年到2010年嘅負債總額有730萬、1174萬同1570萬人仔，雖然唔係話好多，但由於資產總額少得可 憐，公司3年嘅資產負債率分別高到去14272%、13838%同1654.53%，連續3年登上最高負債率上市公司寶座。 根據報道話，2010年＊ST星美資產只係得95萬人仔，業務更加係處於停滯，舊年只係得55萬人仔收入，已經比09年嘅零資產有改善。 杜惠愷入股＊ST星美差唔多兩年，但到家陣都仲係水土不服，最重要原因應該係公司嘅重組一波三折，到o依家都未有結果。其實杜生09年底本來諗住注入上海項目去＊ST星美，點知舊年年中又宣佈暫停，搞到好多股東到o依家都仲一肚氣。 李華華 |
||||||