最近跟團短遊福建，慶幸自己見證過旅遊團還是旅遊團的時代，那個遊山玩水吃野味都是貨真價實的年代，真正一去不返了。
今時今日跟團旅行，”旅”和行”"都儘量少，但就日日6點幾morning call, 為的是”團購”：假珠寶真鑽石，茶葉菜刀藥材統統有，七情上面的Sales，會帶你進入比CCTVB更浮誇的真人秀，肉緊過曾志偉。
先到茶博士品嘗普通鐵觀音，咦，乜唔係賣福建安溪鐵觀音咩，弊弊弊，唔緊要，雲南的少數民族姑娘，馬上拿雲南二寶來壓場。三七花茶沖出 來是甘的，佳品。
至於普洱茶，是大葉喬木種，有果味，重點是熟茶，但又講年份，又話普洱磚好過茶餅，嘩，如果唔係學過普洱，一定比佢拋到二百丈遠，但知 又如何？家人愛其味，買了，有時明知他們做羊祜也不好阻止。
是夜，見證廈門炮彈鋼菜刀狂劈水喉通，水喉通切出坑來，但過程超暴力，好在我姐夫醒目，中途的左我六歲的兒甥仔出去，否則，佢番到屋企 學左，亂劈廿四，咪死得人多？
第二天，參觀經典絲綢廠，絲綿被幾舊水一張，被袋就四千幾！我老媽子想離場去廁所，被勸止，原來每團人到每個購物點都有指定的參觀時 間，但係去景點就催催催。略施小計使開服務員，成功提早左2分鐘上車。
最後一站，經典六國大封相珠寶廠！欲知後事如何，請看下回分解。