今天再有價值組合成員股價創52週高位
有自認係賭馬賭波的專家話, 買多幾隻股票, 自然有股票大升. 無錯, 如果你買波主客和都買晒, 一定有錢收. 如果一場馬你全部買晒, 也一定有錢收. 至於有無錢贏就唔需要專家都知道答案.
筆者從來都認為別人唔掂, 不等於自己掂; 自己掂, 也不等於別人唔掂. 好奇怪, 這個世界有人樂此不彼地以為踩低別人就可以抬高自己, 以為自稱認識某些高層人士就可以自我感覺良好一些.
筆者從不認為投資只有一套方法, 也不認為自己一套一定最好, 如果有人認為買得越多股票就可以贏錢, 去吧, 把全部上市股票都買下.
筆者所有價值組合成員都經過分析和研究, 都有買入的理由. 事實上, 不斷有價值組合成員跑出, 如果有人認為是偶然, 咁就當係偶然, 筆者最重要是組合賺錢, 自己財富增值.
今天繼續有價值組合成員股價創52週高位, 分別是佳華百貨, 九龍倉, 廖創興, 會德豐, 希慎興業. 帶動價值組合今年回報率升上17.22%.
Next Page