|
||||||
|
蒙古資源豐富，前排唔少上市公司要變身資源股，高管去蒙古打個白鴿轉，返嚟話睇中個礦，簽咗意向書，咁就億億聲撈一筆。做投資銀行資源股分析員認真要打醒精神。 咁 不妨效法大摩，搵個「超級專家」助陣。《華爾街日報》報道，蒙古總理個仔巴圖圖希格．巴特包勒德（Battushig Batbold，圖）廿歲出頭，喺摩根士丹利做金屬同礦業投資嘅分析師。人哋就話含住銀匙出世，蒙古總理個仔喎，簡直係含住個礦出世啦，呢個post直頭 度身訂做。 Batbold常駐倫敦，09年11月加入大摩，曾經開過一間叫Altai Trading Co.嘅貿易公司，旗下有做黃金開採嘅合資企業。咪睇佢廿歲出頭，已經同第二任太太生咗5個仔女。報道仲話，有人見過佢去蒙古參加會議見客，咁唔知跟資源 股嘅記者行家，幾時有機會同佢見吓面呢？ |
||||||