|
||||||
|
萬科董事長王石同SOHO中國（410）董事長潘石屹兩位內房大老闆，不約而同喺春節假期外遊滑雪，仲齊齊將滑雪英姿放上微博。 王 石揀咗去美國波士頓，呢次外遊對佢可謂意義重大，皆因佢去實現兒時夢想──留學。大年初二王石喺微博留言：「雨雪糾結伴隨陽光，恰一周，學校註冊、公寓佈 置、地鐵熟悉市區、留學生新春晚會。」讀書之餘，當然有課餘活動，王石同幾個朋友揸車去滑雪場，由於司機迷路，搞到車陷滑雪道，好彩有個喺度輾壓雪道嘅司 機幫忙，先逃出「險境」。王石留言：「兩天雪場，周身舒暢。生命在運動，知識要更新。」 至於潘石屹，就揀咗去日本度假。潘董早喺年廿八已經出發，所以喺微博埋怨冇睇央視春節聯歡晚會，「日本滑雪過年，沒看成春晚。」人在異鄉，不過潘董仍然按老家傳統，年三十包餃子過年。 |
||||||