ZKIZ Archives


人棄我取(4) 陸羽仁

http://blogcity.me/blog/reply_blog_express.asp?f=5YTPBH5B812303&id=287521&catID=&keyword=&searchtype=

中國加息,亞洲歐洲股市普遍腳軟。杜指連升8日之後,昨日亦趁勢調整。在思科(Cisco)領跌下,開市即插水超過80點。其後受埃及總統穆巴拉克可能同意即時下臺的消息提振,跌幅逐步收窄。不過臨近收市時,穆巴拉克發表講話,拒絕即時下臺,話會將部份權力轉移予副總統蘇萊曼,美股波動擴大。杜指收跌11點,報12230點,標普500指數倒升1點,報1322點;納指亦升1點,報2790點,羅素2000隻中小型股指亦下挫0.5%。杜指期貨最新報12164點,比現貨低水66點。

 

港股美國預託證券反彈,ADR港比指數收22923點,比香港收市高214點或0.9%。匯控收89.5元,比香港高0.2%,中移動收74.5元,比香港高1.4%

埃及總統穆巴拉克和副總統蘇萊曼及埃及總理舉行會談,又唔出席埃及軍方高層會議。軍方其後公開表明將確保國家安全、捍衛國家和人民理想。軍方高層將領又跑到群眾聚集的解放廣場,告訴民眾他們的合法訴求將獲得滿足。種種舉動引發外界的認為埃及形勢有轉機的錯誤預期,埃及國營電視台亦報導穆巴拉克將宣佈下臺。

誰知就在好多示威者都準備慶祝勝利時,穆巴拉克在電台發表講話,表示決定根據憲法將部分權力移交給副總統蘇萊曼,而他本人則不會辭去總統職務。此舉引發聚集在解放廣場上、要求他立即下臺的示威群眾憤怒。穆巴拉克的講話一度令杜指急挫40點,臨收市再度回穩。

拖累杜指的個股主要係思科。思科第二季度凈利潤15億美元,較去年下滑18%,並預期今季度增長只有5%,營利毛利率(gross-profit margin)又低過市場預期,令投資者大失所望。股價昨日勁挫一成四,以一隻市值近1050億美元的公司,一日之內蒸發了近150億,都咪話唔恐怖。

昨日同一個中環茶友講起人棄我取的問題,我倆對大市的看法並無異議,都認為在阿爺力控通脹下,港股受大陸影響,起碼在第一季是在反覆整固階段,唔好被美股上升影響咗觀感。但對何時撈貨卻有不同意見,他是講求實效的人,務求即食,認為現階段買貨,仍要捱價。

          我覺得他和我的分別,有點似投資的我和投機的我之分別,他講求短線效益,一個月可以走兩轉,最好買完即升。我較講求中長線,可以買咗等下半年收成。所以佢認 為大注買最好等等,等個市跌到尋到底,經過第一輪反彈,再下跌,在再跌不穿低位時,才在那時大注追入,價錢可能略貴,但買完較大機會一路升。

        綜合他的看法,我覺得可以咁睇。第一,唔好期望呢次調整市好快過去。大市調整的背景是大陸進入加息週期,普遍預期大陸今年會加三次息共加0.75厘,如今只加了一次0.25厘,當然無咁快一片晴空。起碼加息加到咁上下,又見通脹受控,股市氣氛才會全面轉好。

        第二,既然股市不會馬上好,買貨也不用太急。若 即時買哂等升,但一兩個月都未升,好容易心灰意冷。應對方法是分段買,慢慢買,見佢跌又買啲,再插深又買啲, 心理會好啲。我好早已發現呢個道理,如自己買到滿倉成手貨,只能期望個市升,個市唔升心情就好唔靚。但如果分開三段買,拉開少少價位,你買入第一注之後, 唔係期望個市升,反而係期望個市再跌,因為唔跌你買唔到第二、三注,這時見到跌市會高興,而非一見個市跌就發脾氣。例如好似我在兔頭咁講,分三注在23000點、22000點、21000點買,而家只買咗一注,心情還是想個市再跌。或者個市跌到22000點多啲就唔再跌,到時再決定追唔追都未遲。又或者跌到21000點之後仲有得跌,但起碼未買齊貨之前那段時間唔使捱,咁即係捱少好多時間。

        第三,在初段急跌時,買貨講求安全性,睇番公司本質,就知道邊類安全啲,以內房股和內銀股比較,內銀股安全啲,唔係話內銀股唔會再跌,佢地現時無內房股跌咁多,再跌的可能性仲大,但出現較壞情況時,例如分注買齊,佢;心再跌10%,你都比較有把握市道正常番少少時,佢易啲浮上水面。而家傳聞今年內地貸款有7萬億增長,即使只得56萬億,但阿爺逼住銀行加房貸利息,銀行息差唔會收窄,盈利應有雙位數增長(當然樓市大崩潰、銀行要大撥備除外),內銀股股價跌得多時,更加抵買。

        總的來說,人棄我取,在跌市買股,切忌太心急,唔一定要買得最平,務求大跌時自己有啲子彈在手,可以買吓,咁樣可能會開心啲。

 

陸羽仁

人棄 棄我 我取 陸羽
PermaLink: https://articles.zkiz.com/?id=22264

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019