|
||||||
|
虎年將盡，又係時候埋單計數嘞，瑞信近幾年都有推介「利是股」，牛年推介嘅8隻股份，全年升幅介乎31%至223%，咁虎年又點呢？ 瑞 信虎年推介山水水泥（691）、鷹君（041）、工銀亞洲（349，已除牌）、德昌電機（179）、合景泰富（1813）、創維數碼（751）、TCL多 媒體（1070）同偉易達（303）8隻「利是股」，以噚日收市價計，表現最好嘅係已經私有化嘅工銀，全年升幅75%，最差就係TCL多媒體，跌成 57%。 最差推介：TCL多媒體跌57% 如果虎年買齊呢8隻「利是股」，拉勻回報得嗰14%，差過恒指嘅16%，即係話，簡單啲買隻盈富基金（2800），仲好過一身汗咁買晒8隻股啦！ 瑞信虎年都有估恒指、H指同滬綜指點數，全年最高目標分別係24600、15000同3300點，睇返轉頭，係恒指估得最準，舊年11月初高見24988點，而H指同滬綜指就無咁醒，最高只係分別見過14204及3166點；可能外資行估大陸啲數始終差啲啩。 至 於嚟緊瑞信推介嘅兔年8隻「利是股」，其中包括已經連續3年推介嘅收租股鷹君，同埋舊年跌得好甘嘅創維，另外6隻係體育用品股匹克體育（1968）、奢侈 品銷售商耀萊集團（970）、做捲煙包裝嘅澳科控股（2300）、紗線坯布製造商天虹紡織（2678）、內房股佳兆業（1638），同埋地產代理美聯集團 （1200），瑞信估呢批股份兔年潛在升幅有36%，不如又等出年睇吓得唔得啦！
至於嚟緊瑞信推介嘅兔年8隻「利是股」， 其中包括已經連續3年推介嘅收租股鷹君，同埋舊年跌得好甘嘅創維，另外6隻係體育用品股匹克體育（1968）、奢侈品銷售商耀萊集團（970）、做捲煙包 裝嘅澳科控股（2300）、紗線坯布製造商天虹紡織（2678）、內房股佳兆業（1638），同埋地產代理美聯集團（1200），瑞信估呢批股份兔年潛在 升幅有36%，不如又等出年睇吓得唔得啦！ 李華華 |
||||||