|
||||||
|
中策（235）買南山人壽撻Q之後，主席馬時亨（圖）去到邊，都俾人追問公司有咩搞呀、睇緊啲咩項目呀咁？馬生亦照例話同「柯大俠」柯清輝拍住上，睇緊好多收購項目，咩都睇吓，冇地域、行業嘅限制。 華 華噚日撞到馬生，大家照例講吓上述嘅對白，之不過，華華再進一步，直接問佢南山人壽一役會唔會令佢哋對台灣卻步，點知佢又好鬼爽快咁話：「係呀！真係少咗 睇台灣嘢o架！」……明嘅明嘅，一朝畀蛇咬，十年怕草繩，上次單交易搞成咁，正常人都會避之則吉喇！講開又講，比起華華當年第一次見佢（入電盈（008） 做CFO），馬生真係越嚟越瘦、越嚟越後生，以後睇怕都唔可以嗌佢做肥馬喇。 |
||||||