|
||||||
|
噚日由東方銀座（996）主席田琬善打骰嘅濱海鎰泰證券公司開張，嘉賓陣容好強勁，有玩具大王蔡志明同仔仔蔡加讚、上海前首富周正毅個老婆毛玉萍，仲有「三哥」苗僑偉等，呢班大忙人親自撐場，睇嚟田琬善都好吃得開。 現場所見，田小姐長袖善舞，忙住招呼賓客，令華華一直埋唔到身，無機會傾偈。濱海鎰泰董事韓銘生話，老闆人脈好廣，可以搵到唔少大客開戶口，公司仲搞埋投資移民，希望用一年時間，爭到3%市場佔有率，期望兩至三年內喺創業板上市。 濱海鎰泰個名夠晒特別，「濱海」代表服務長三角、珠三角等地嘅有錢人，鎰泰當然係表示幫班客賺錢啦。前身係92年成立嘅駿溢證券，今年1月就俾田小姐買咗返嚟，o依家全資擁有。 |
||||||