|
||||||
|
資深賓架Ｃ請左 丁山到銀行家會吃午飯，欣然赴會。賓架Ｃ遠在暴動時已加入銀行工作，四十幾年來見盡大風浪，對甚麼金融海嘯，驚都未驚過，聽佢講古仔，非常過癮，可惜大部 份都不宜寫出嚟，以免得罪人，但佢又唔會寫回憶錄噃，幾可惜。可惜也者，只係我地嘅感覺啫，新一代可能嗤之以鼻。譬如有一次，聽一位廣告界人士講起貓王與 白潘之爭，從而引出公眾人物之形象設計，有不同可能性。點知旁邊有一位八十後公關新人好似聽到悶親咁，問佢點解呀？佢話：「貓王白潘喎！邊度識呀，都唔知 係邊個。」資深廣告人一時氣頂，費事講落去，以免益佢，連左丁山想學嘢都失咗機會。 上星期睇FOX，竟然見到一個白潘訪問節錄，白潘有七十 幾歲嘞啩，滿臉皺紋，但仍然精神飽滿，談吐得體。佢就係講形象定位，佢話當年以青春偶像派走紅，FOX搵佢做一套戲男主角，扮演一位青年人在小鎮未見過世 面，遇上一位過氣中年女歌星下鄉巡迴演唱，風情萬種，青年人受誘惑與佢發生關係，白潘係霍士合約演員，睇完劇本，一口拒絕，情願被霍士雪藏都唔肯主演，嗰 位過氣女歌星由邊位女星主演呀？白潘話：「係最有吸引力嘅瑪莉蓮夢露，好多男星真係求之不得，但我認為純情青春偶像在銀幕上與瑪麗蓮親熱，好影響我嘅形 象，故此唔接套戲。」白潘之影運，記憶所及，並非太紅，遠不如「壞孩子」皮禮士利。但貓王嗑藥，早已在人間消失，而白潘今天仍然享受生活。 左 丁山不與賓架Ｃ講貓王與白潘，只想聽佢講銀行掌故，食完一餐飯，得益甚多，最後左丁山問佢一條問題：「o依家銀行環境唔同，條例多多，又話要設立正面信貸 資料庫，但私隱專員似乎反對，何解？」賓架Ｃ哈哈笑：「所謂正面信貸資料庫，有乜特別要求咁巴閉呀，只係要求貸款申請人，申報埋佢有幾多單按揭貸款而已， 三宗就三宗，四宗就四宗，其餘乜都唔駛填，私隱專員竟然搵理由反對？我都服咗佢。」係噃，填寫按揭有三宗，只有銀行知，申請人有何損失？諗唔明。賓架Ｃ 話：「你與老婆一齊聯名買樓，申請按揭，但你填表時話已有三宗按揭在身，而老婆事前竟然唔知？如何是好？」唉吔，係噃，早已用按揭買咗層樓包二奶嘅人，點 填呀，咪穿晒煲，除非用咗二奶個名或者用公司名義買樓啦！ |
||||||