|
||||||
|
胡錦濤訪美，受 隆重、最高規格接待，備見美國對中國之重視，無他者，蘇聯及東歐共產國家解體後，西方料不到中國經濟竟然如此高速增長，成為世界第二大經濟體，於是紛紛前 踞而後恭，一九八九年之事，完全忘記晒咯，最緊要能在中國市場分一杯羮，一於貿易生意為先，人權民主問題頂多做吓頭盤、甜品，係咁意講吓，滿足本國傳媒、 議會就算。挪威乃是小國寡民，憑北海油田，收埋大把外匯財富，投資謹慎有道，幾乎穩賺，即使油田蘊藏殆盡，挪威都唔慌貧窮，咁樣嘅國家，不倚賴外貿，不稀 罕中國市場，不需要中國遊客，於是就敢膽向中國說不，頒個和平獎畀劉曉波。其他所謂大國，美日德法英意俄加澳等等，以及新興市場國家印巴墨韓，無不統統向 人民幣豪客招手，焉會與中國對抗呀？ 中國專家M講得妙，古云仁者無敵，今則「人仔無敵」，連《華爾街日報》都話到中國飲食可能有害，但收埋 人仔則一定有利。胡錦濤與其他中國領導人到每一個國家訪問，只要祭起人仔，大簽百億百億美元嘅訂單，可話無往而不利，甚麼卡梅倫、薩爾科齊，唔該行鞠躬 禮。今次到白宮，送出四百五十億美元合約──訂咗二百架波音飛機──唔怪得美國商會（U.S Chamber of Commerce）全力支持中國，反對民主黨鷹派議員舒默等人反華啦。 不過中國領導人是否可以諗吓，出席美國國宴，是否可以從俗，穿着西式 黑色西裝煲呔，唔係着套西裝打條呔就算？不肯跟隨西方衣服話語權嘅話，可以穿中國式禮服吖，例如香港上流社會時興嘅改良中山裝，夏佳理、羅康瑞等名人着得 好靚啫，上海揚州以裁縫師傅著名，中央一聲號令，為咗國家面子，佢地一定設計得出有體面嘅中式禮服嘅。印度、泰國、菲律賓皆有自己嘅國服，十三億中國人豈 可只穿普通西裝出席隆重國宴？穿禮服比英國人還要英國嘅日本人會在旁偷笑o架，北京用咁多錢在美國賣廣告，推銷國家形象，豈可慳此一筆！如果中國訂下一套 國家禮服標準，仲會為中國創造一個品牌o忝。 |
||||||