ZKIZ Archives


上精讀班考公務員綜合招聘試

2016-07-07  NM

今年6月,公務員事務局公布,16至17年度的公務員薪酬加幅為4.19%至4.68%,公務員給人的印象多是薪高糧準,對一眾打工仔來說頗具吸引力。其實申請大部分公務員職位都需要投考政府公務員綜合招聘考試 (CRE),所以每年均吸引大量人士應考,坊間有不少機構會舉辦考試精讀班,讓學員可以早作準備,務求一take過達標。

現代專業發展舉辦的香港公務員綜合招聘考試(CRE)精讀班,由有多年教育經驗的導師分別親身授課,當中會負責教授英文運用及能力傾向測試的Alpha表示,課程是讓學員能應付考試為主。「CRE有中文運用、英文運用及能力傾向測試3卷,各為45分鐘的multiple choice question,考題主要圍繞基本嘢,好似閱讀理解、文法及語法等,我哋會同學員分析各卷嘅題型,然後會有模擬考試畀佢哋練習。我哋仲會教答題技巧,例如排除法,如果有題目唔識,可先將一定錯嘅選項排除,增加答啱嘅機率及提升佢哋嘅解題速度。」

搜集題目

Alpha表示課程吸引不少人報讀,「CRE係要應徵學位或專業程度公務員職位嘅基本條件,呢啲職位起薪點大約係point 14,即約$25,000,算幾唔錯,每年吸引唔少人士去報考。政府冇公布過past paper及分數標準等資料,令一班去考試嘅人心大心細,所以會想讀一啲精讀班嚟做預備,我哋會向考過嘅同學及自己入考場嚟搜集題目,再總結畀學員參考。」

能力傾向易失手

以Alpha觀察所得,較多人失手於能力傾向測試,「能力傾向測試即係考邏輯思維,內容有中文演繹推理、英文演繹推理及數字推理,仲有相關資料判斷及圖表分析,即係畀段資料你,然後判定佢合唔合理,可能好多人比較少接觸呢種考試,只要做熟咗個題型就好易應付。」

Alpha(導師):嚟讀嘅學員以在職人士居多,而家政府每年約會舉行兩次CRE,今年就係6月及10月舉行,好多人會喺開考前1個月先會報讀,嚟緊9月就會開班。

Andy(學員):課程集中喺應試方面,有針對考試模式去答題,自己較驚能力傾向測試考得唔好,佢哋都有提供訓練方法同埋練習,仲分析埋考試嘅重點同應試策略,最後考試都成功有好成績。

課程:香港公務員綜合招聘考試(CRE)精讀班機構:現代專業發展對象:有興趣人士學費:$400堂數:2堂,共6小時。內容:了解公務員綜合招聘考試 (CRE)、熟習中文運用、英文運用、能力傾向測試3張試卷的考核模式及要求、答題技巧等。查詢:2256 3222

撰文:曾志恒攝影:葉偉豪(部分圖片由被訪者提供)

 
PermaLink: https://articles.zkiz.com/?id=204049

Next Page

ZKIZ Archives @ 2019