|
||||||
|
今年初，溫家寶話過，「今年是中國經濟最復蘇的一年」。有無限創意嘅內地網民話，呢句話基本上概括晒大陸全年嘅經濟走勢同埋結果，因為如果將啲阻礙發展嘅力量叫做「反發展」嘅話，今年中國嘅經濟就係圍繞「發展」同「反發展」兩者相爭呢個主題而行。
內 地啲網民認為，共同演譯呢個主題嘅，係一部部精采嘅中國版華爾街大電影，最近仲嚴選咗10部同大家分享！其中，最佳荷李活商戰片係《國美恩仇錄》，入選嘅 原因應該唔使再講；最佳主旋律商業片係《再見通脹》，由綠豆、生薑同埋大蒜領銜主演。最佳終極科幻片係由人行執導、人仔主演嘅《人民幣的秘密》，入選理由 係今年到底發行咗幾多人民幣呢？打死你都唔會知！ 另外，《決戰滙率谷》就獲選為最佳無煙戰爭片，主角係「$」同「」，入選原因係自從年頭奧巴馬撰文要人仔升值，中美雙方舌劍唇槍幾個回合都未分到高下，而呢場直接影響17億人口，同埋間接波及全球嘅戰爭，o依家仍然打緊。 |
||||||