|
||||||
|
企業家之中至鍾 意講嘢嘅阿里巴巴（1688）主席馬雲（圖），噚日喺北京對外貿易大學，同一班學生分享創業心得，唔知係咪有關方面吸收咗前人嘅經驗，一開波就嚟個「快問 快答」環節，咁班學生問馬雲乜嘢呢？包括最希望擁有咩才華、滿唔滿意自己外表、最鍾意女人身上咩特質等等。馬雲嘅答案係：希望面對任何困難都唔會擔心、o 依家幾滿意自己嘅外表，同埋希望女人樂觀咁看待佢！ 可能教過書嘅關係，馬雲深明學生好冇耐性，所以佢都算收斂，講到創業，佢話如果你唔去將件事變成現實，咁咩都係浮雲……查實不如再直接啲話，如果你班友乜都唔做，就唔使旨意變成馬雲，佢哋咪仲易入腦！ |
||||||