|
||||||
香港要同大陸同胞做生意,例必入鄉隨俗要飲吓「中國人嘅白酒」五糧液,而五糧液代理商銀基(886)亦索性喺灣仔整咗間旗艦店,做我哋香港人生意,噚日開幕,佢哋嘅partner、內地A股上市公司五糧液集團董事長唐橋仲親自到場。 有貴人自遠方來,銀基主席梁國興(圖)心情靚爆,仲感染埋唐總,令佢懷着愉快嘅心情同傳媒做訪問,仲唔覺意爆料話雙方合作幾十年好愉快,未來唔排除會互相參股…… 唔知係咪知道港交所(388)唔好惹,所以唐總即刻補鑊,話入股銀基並唔係無可能,但佢哋嘅國企身份可能會有啲阻礙,見到老闆五糧液咁講,梁生亦搭嗲話雙方互相參股嘅意向,都只係傾過吓咋……咁大口,留番嚟飲酒啦! |