|
||||||
|
官府最近調整投資移民政策，開始規限下班內地班「大款」嚮磚頭個邊的投資，咁呢班友啲錢自不然要搵出路流向金融市場，搞到香港啲資產管理公司個個「動L」興奮起嚟，諗住生意可以做得更大。 但查實呢批富豪嘅錢唔係咁易賺，因為佢哋對投資回報好有要求，而個個都獅子咁大個口! 國企恃住有事阿爺救 康宏理財（1019）母公司康宏集團最近就因應新政策，主動喺紅磡擺咗個展位，積極爭取做內地投資移民客。 集團主席王利民話，呢班客要求極高，話要「保本兼要賺好多」，咁點為之賺好多？「 一年回報增加一倍，幾年就翻幾番咁啦! 」咁呢班友點解又set到個目標咁進取的？ 王主席話，事關兩地嘅投資風險意識好唔同，內地投資國企有事，阿爺會救嘛，所以冇有怕；但佢地完全無諗過，香港係冇呢支歌仔唱……唔知康宏有無諗過開壇俾班「大款」講講呢個topic呢？ |
||||||