|
||||||
|
珠寶界公子Ｌ最 近經常在飯局缺席，星期五終於出現，問佢去咗邊，佢話在印尼買入珍珠養殖場，但管理養殖場嘅公司就設於東京，所以佢經常出差，近來坐飛機多過坐地鐵。不講 不知，養珍珠技術，以日本人最先進，日本有不少海洋生物學家，研究培養珍珠多年，知識與經驗最為豐富，在澳洲、印尼，以至大溪地嘅Pearl Farm，都有不少日本專家管理。 經公子Ｌ講起，記得好多年前參加旅行團到日本旅行，其中一個必備節目就係到Mikimoto參觀，買珍 珠，我地買唔起，睇吓就算，當時嘅導遊好醒目嘅，叫做五郎，冇話好似惡女珍咁，鬧我地冇幫襯。呢位五郎係香港到日本學習日語嘅學生，後來與一位褟同學回港 創辦旅行社，非常成功，就是今天的東瀛遊。 公子Ｌ慨嘆日本經二十年不景，今非昔比，好多專業人士冇得撈，要減薪求職。好似養珠專家咁，東京 大學畢業，在漁業部服務十幾年，過往跳槽養珠公司，月薪要一萬美元，等於月薪一百萬日圓或以上，生活唔錯。但如今冇工做，要到海外服務，月薪減至五千美 元，兌回日圓，得四十餘萬日圓，問你點辦？無怪「大前研一」判斷日本出現Ｍ型社會，不少專業人才往下流，跌入下流社會，難以翻身。 日本不 景，好多在海外經營養珍珠場嘅公司要脫手求售，賣畀海外華人商人，日本養珠專家為咗生活亦跟住為外國人打工，公子Ｌ佢地亦乘機買咗一間，擴充生意。日本為 何在八十年代泡沫大爆破之後，一蹶不振？日本政府二十年來不斷實施低息、零息政策，何止話QE2，簡值係已有Ｎ次量化寬鬆，有Ｎ次財政刺激啦，但係全無效 果，印銀紙如泥牛入海，不見發揮作用。以此經驗，美國自八月中傳出聯儲局有第二次貨幣量化寬鬆（即QE2），就引發標普500指數大升13%，係唔係過份 樂觀，股民過於幻想呢？假如美國步日本後塵，未來十八年停滯不前，世界經濟會如何發展？唔敢諗。之後見到總經濟師Ｋ，問佢日本為何如此，佢話此與貨幣流通 速度（Ｖ）有關，當銀紙（M）大增，但Ｖ下跌嘅話，印銀紙嘅威力就會冇晒。何故Ｖ會下跌？人民失去信心，不消費，將銀紙放在銀行不動，就會出現Ｖ下跌情 況。 |
||||||