ZKIZ Archives


憶蓮向恭碩良示愛

1 : GS(14)@2016-03-30 14:42:07

■林憶蓮前晚在紅館舉行個唱尾場,在台上向男友恭碩良公開示愛。


林憶蓮一連四場世界巡迴演唱會前晚在紅館舉行尾場,憶蓮已經預告會做大喊包,更歡迎大家陪她一齊喊,其間憶蓮的鞋踭勾住裙腳,最後要工作人員上台幫手,憶蓮更自爆平時自己「好論盡」。演唱會中段,憶蓮對着老友鬼鬼的倫永亮說:「我好愛你呀!」倫永亮隨即指向負責打鼓的恭碩良,憶蓮甜笑說:「呢種愛同嗰種愛唔同,唔可以混淆。」現場觀眾立即起哄歡呼,接着憶蓮又喊住說:「今晚真係好開心,雖然我晚晚都有喊,不過今晚係喊得最犀利,你哋有冇一齊喊呀?大家一齊喊、一齊笑,其實係一件好簡單同開心嘅事。」最後演唱會到凌晨12時才完騷,完騷後憶蓮再度解釋愛不可混淆,她甜笑地說:「一個係友情嘅愛、一個係愛情嘅愛,我都唔係第一次公開講。」問到有歌迷在網上買門票疑遭騙財?憶蓮表示唔知情,主辦單位則說:「我哋都呼籲啲歌迷用正途去買飛。」採訪:馬建華攝影:仇志德



■憶蓮的鞋踭一度勾住裙腳,她自爆平時自己「好論盡」。

■好友倫永亮前晚騷後受訪時,作狀向憶蓮伸脷。

■周麗淇前晚單拖睇騷撐憶蓮。



來源: http://hk.apple.nextmedia.com/entertainment/art/20160330/19549252
PermaLink: https://articles.zkiz.com/?id=298751

【馮仁昭四圍超】恭碩良講子聰六嚿肌

1 : GS(14)@2016-09-17 17:33:07

恭碩良(Jun)下個月喺伊館做騷,佢第一次伊館做騷係14歲幫夏韶聲,噚日佢喺商台宣傳,被問到好友陳子聰時,佢話同子聰係同一間經理人公司:「我識佢嗰陣,佢仲係長髮、6肌(6嚿腹肌),好開心佢出院。之前都text過,知道佢有覆就得啦,私底下係好擔心,不過未探佢住,之前入院冇通知我,但呢啲有原因,唔會喺呢個時候小器。」撰文:馮仁昭




來源: http://hk.apple.nextmedia.com/entertainment/art/20160916/19771942
PermaLink: https://articles.zkiz.com/?id=309397

恭碩良拒紋林憶蓮

1 : GS(14)@2016-10-17 08:09:30

恭碩良(Jun)昨日到啟德郵輪碼頭為「第四屆香港國際紋身展2016」擔任表演嘉賓,左手已有紋身「100% Drummer」的他說:「我都打算喺右手再紋,可能一陣就會紋,到時會用facebook live直播畀大家睇。」問到會否紋女友林憶蓮的名字?Jun說:「只有過咗身嘅人、有紀念價值嘅人、媽媽爸爸或者仔女個名先可以紋,老婆或者另一半就唔好啦。」他又指愛的紋身很老套,所以亦不會考慮。另外,他將為女友製作全新國語專輯,Jun說:「我只係fans咁參與。其實我哋做音樂隔得幾遠,因為大家都有自己嘅班底,反而係嗰種精神嘅交流囉。」採訪、攝影:盧妹




來源: http://hk.apple.nextmedia.com/entertainment/art/20161017/19802827
PermaLink: https://articles.zkiz.com/?id=312446

林憶蓮低調撐恭碩良

1 : GS(14)@2016-10-22 22:28:57

恭碩良(Jun)前晚在灣仔伊館舉行個唱,邀請JW做嘉賓,其中林保怡、曹星如、側田等來撐場,Jun的女友林憶蓮低調現身,不過完騷後在後台顯得大方得多,Jun搭實女友膊頭與友人笑晒合照。演唱會中,Jun唱了《Nothing Compares2 U》向美國歌手Prince致敬,他表示當時知道Prince過世的消息,喊了兩小時:「點解咁多人唔揀要揀佢,為樂壇做咗咁多嘢,我同女朋友講不如我哋努力唱好啲,雖然我同其他歌手差幾皮,但我打鼓同彈結他都ok。」完騷後,Jun接受傳媒訪問時透露昨日要同憶蓮去深圳做巡迴演唱會,未知會否受颱風影響行程,記者笑他與女友風雨同路,他笑笑口:「你想我咁講咪咁講。」撰文:唐如




來源: http://hk.apple.nextmedia.com/entertainment/art/20161022/19808340
PermaLink: https://articles.zkiz.com/?id=313165

憶蓮恭碩良放閃 教小朋友玩狗

1 : GS(14)@2017-03-25 10:34:24

【公園追逐】■林憶蓮望着恭碩良在草地上和狗仔追逐,露出幸福笑容。





【數碼港公園】林憶蓮(Sandy)最近忙於演出內地歌唱節目《歌手》,她先後獻唱多首廣東流行曲參賽,技驚四座,並以大熱姿態殺入決賽,風頭一時無兩。Sandy人氣急升,壓力自然大,是時候要停一停,唞一唞,所以日前Sandy和男友恭碩良(Jun)一齊放狗,享受一下悠閒生活。


慈父上身

Sandy和Jun拍拖多年,感情穩定,更共賦同居,日前他們現身數碼港公園拍拖放狗。當日下午5時許,他們帶同兩隻愛犬到數碼港公園,阿Jun拖着愛犬,非常活躍,不時跟其他狗隻玩,Sandy則似乎心不在焉,不知是不是最近工作壓力大,不停地撳電話,之後有位外籍人士接近,她才放下手上的電話攀談。



【耐心教導】■恭碩良蹲下教小朋友如何和狗隻相處,父愛爆棚。DV圖片

【交流心得】■憶蓮和恭碩良(右)輕撫狗仔,又跟其他狗主交流心得。

接近黃昏,數碼港公園的人流越來越多,憶蓮開始提高警覺,同時亦放下手上電話,陪Jun放狗和傾偈,亦不時輕撫愛犬。後來有位外籍小朋友行近,想跟他們的愛犬一齊玩,不過又不敢行得太近,這個時候平日粗獷狂野的Jun,突然間慈父上身,蹲下教導小朋友如何跟小動物相處,盡顯溫柔一面,跟憶蓮十足模範夫妻。最後天色開始入黑,憶蓮和Jun跟一名外籍人士邊行邊傾,三人兩犬一齊開車離開。採訪、攝影:徐錦池、吳耀輝




來源: http://hk.apple.nextmedia.com/entertainment/art/20170325/19969075
PermaLink: https://articles.zkiz.com/?id=328777

Next Page

ZKIZ Archives @ 2019